යානය සම්බන්ධයෙන් මතු වූ බෝම්බ බියක් හේතුවෙන් ඉන්දියානු ගුවන් සේවයට අයත් විස්තාරා ගුවන් යානයක් කටුනායක ගුවන්තොටුපළට ගොඩබස්සවා තිබෙනවා.
මෙම යානය මුම්බායි සිට මෙරටට පැමිණ ඇති අතර මේ වනවිට ගුවන් යානයෙන් මගීන් ඉවත් කරමින් සිටින බව සඳහන්.
මෙම යානයේ මගීන් 240 දෙනෙකු සිට ඇති අතර ඔවුන්ව පරීක්ෂා කටයුතු සිදු කරන බවට ද තොරතුරු වාර්තා වනවා.
මේ අතර අදාළ සමාගමට අයත් තවත් යානයක් ලන්ඩන් බලා පියාසර කරමින් සිටියදී බෝම්බ බියක් හේතුවෙන් ජර්මනියේ ෆැන්ක්ෆට් ගුවන්තොටුපළට ගොඩබස්සවා ඇති බවයි විදෙස් මාධ්‍ය වාර්තාවල දැක්වෙන්නේ.