පසුගිය රජය විසින් අමාත්‍යවරුන් වෙත ලබා දී ඇති නිල නිවාස නැවත භාර දෙන ලෙස පසුගියදා දැනුම් දී තිබුණා.
ඒ අනූව පසුගිය රජයේ අමාත්‍යවරුන් 28කට නිල නිවාස ලබා දී තිබෙනවා.
ස්වදේශ කටයුතු අමාත්‍යාංශය සඳහන් කලේ මේ වන විට ඉන් නිවාස 14ක් පමණක් නැවත භාර දී ඇති බැවින් හැකි ඉක්මනින් අනෙක් නිල නිවාස ද අමාත්‍යංශය වෙත භාර දෙන ලෙස අදාළ අමාත්‍යවරුන්ට යළි සිහි කැඳවූ බවයි.
එම නිවාස භාර දෙන විට එහි හිඟ ජල බිල්පත් සහ විදුලි බිල්පත් ගෙවා අවසන් වූ නිවාස පමණක් භාර ගන්නා ලෙස නිලධාරීන්ට උපදෙස් ලබා දී ඇති බව රාජ්‍ය පරිපාලන අමාත්‍යංශය සඳහන් කලා.