පවතින අධික වර්ෂාව හා ජල ගැලීම් හේතුවෙන් වසංගත රෝගවල වර්ධනයක් දක්නට ඇතැයි රිජ්වේ ආර්යා ළමා රෝහලේ විශේෂඥ වෛද්‍ය දීපාල් පෙරේරා පවසයි.
ජල ගැලීම් තත්ත්වය නිසා අපිරිසිදු ජලය හා ආහාර පරිභෝජනය හේතුවෙන් විශේෂයෙන්ම වැඩිහිටියන් හා දරුවන් අතර පාචනය, ඉන්ෆ්ලුවෙන්සා, උණසන්නිපාතය, අතීසාරය වැනි රෝග තත්ත්වයන් විය හැකි බවට ඔහු වැඩිදුරටත් ප්‍රකාශ කලා.
මෙකී රෝගයන්හි රෝග ලක්‍ෂණ වශයෙන් අධික උණ, හිසරදය, වමනය, රුධිරය සමග වමනය, බඩේ රුදාව, අධික සෙම තත්ත්වය, විජලනය ආදිය හඳුනාගත හැකි අතර මෙම රෝග ලක්‍ෂණ ඇත්නම් වහා වෛද්‍ය උපදෙස් හරහා ප්‍රතිකාරවලට යොමුවීම වැදගත් බවත් වෛද්‍යවරයා පැවසීය. මෙම රෝග අවදානමෙන් ආරක්‍ෂා වීම සඳහා නිතර පිරිසිදු ජලය පානය, සෞඛ්‍යවත් ආහාර භාවිතය මෙන්ම නිතර විටමින් සී බහුල ආහාර ගැනීම සුදුසු යැයි ද වෛද්‍යවරයා පැවසීය.