මහනුවර, අස්ගිරිය පොලිස් ක්‍රීඩා පිටිය ඉදිරිපිට ඇති දැනට භාවිතයෙන් ඉවත් කොට ඇති රජයේ නිල නිවසක් පිටුපස තිබියදී මියගිය පුද්ගලයෙකුගේ මළ සිරුරක් සොයාගෙන ඇති අතර එම නිල නිවස පිටුපස ආලින්ද කොටසේ තිබියදී මළ සිරුර හමු වී තිබෙනවා.
එම මළ සිරුර මීට සතියකට පමණ ඉහතදී මියගිය අයකුගේ බවටයි පොලිසිය සැක කරන්නේ.
දැනට දීර්ඝ කාලයක් වසා දමා තිබෙන එම නිල නිවස මේ වනවිට ඉතා අබලන් තත්ත්වයේ පවතින අතර සිද්ධිය සම්බන්ධයෙන් මහනුවර මූලස්ථාන පොලිසිය විශේෂ විමර්ශනයක් ආරම්භ කර තිබෙනවා.
ඊයේ (12) අධිකරණ වෛද්‍ය නිලධාරිවරයා එම ස්ථානයට කැඳවීමට පොලිසිය පියවර ගෙන තිබූ අතර මහනුවර මූලස්ථාන පොලීසිය වැඩිදුර විමර්ශන සිදුකරනවා.