රජය විසින් විවිධ කාර්යයන් සඳහා නිකුත් කරන ලද වාහන යම් ස්ථානයක වංචා සහගත ලෙස හෝ නීති විරෝධීව රඳවා තබා ඇතිනම්, යම් කිසි ආකාරයකට කොටස් කර සඟවා තබා තිබෙන බවට හෝ එසේත් නැතිනම් යම් ස්ථානවල නවතා තබා අබලන් වීමට ඉඩහැර තිබෙන බවට තොරතුරක් දන්නා අයෙක් සිටී නම් 1997 විශේෂ දුරකථන අංකයට එම තොරතුරු ලබා දෙන ලෙස පොලිසිය මහජනතාවගෙන් ඉල්ලා සිටිනවා.
පොලිස් මූලස්ථානය නිවේදනයක් නිකුත් කරමින් දන්වා සිටින්නේ මෙම දුරකථන අංකය දවසේ පැය 24 පුරාම ක්‍රියාත්මක බවය.
තොරතුරු ලබා දෙන තැනැත්තාගේ අනන්‍යතාවය සම්පූර්ණයෙන්ම ආරක්ෂා කරන අතර තොරතුර සපයන්නන්ගේ අනන්‍යතාවය හෙළි කිරීමට අත්‍යාවශය නොවන බවද පොලිස් මූලස්ථානය කියයි.
නමුත් සත්‍ය තොරතුරු පමණක් ලබා දිය යුතු බවත් අසත්‍ය තොරතුරු ලබා දෙන්නන්ට එරෙහි විනයානුකූලව කටයුතු කරනු ලබන බවටත් පොලිසිය අනතුරු අඟවයි.