අත්තනගලු ඔයේ ජල මට්ටම් ඉහළ ගොස් තිබෙන අතර වාරිමාර්ග දෙපාර්තමේන්තුව දිවුලපිටිය, මීරිගම, අත්තනගල්ල, මහර, ගම්පහ, මිනුවන්ගොඩ, ජා ඇල, කටාන සහ වත්තල යන ප්‍රාදේශීය ලේකම් කොට්ඨාස සඳහා ගංවතුර අනතුරු ඇඟවීමක් නිකුත් කර තිබෙනවා.
අත්තනගලු ද්‍රොණියේ ජල ධාරා ප්‍රදේශවලට පසුගිය පැය කීපය තුළ සැලකිය යුතු වාර්ෂාපතනයක් ලැබී ඇති බවත් අත්තනගලු ඔය ද්‍රෝණිය තුළ නඩත්තු කරන ජල මාපකවල ජල මට්ටම් විශ්ලේෂණය අනුවත් මේ මොහොතේ සිට ඉදිරි පැය 48 දක්වා කාලය තුළ අත්තනගලු ඔය සහ උරුවල් ඔය නිම්නවල පහත් බිම් ප්‍රදේශවල ගංවතුර තත්ත්වයක් ඇති විය හැකි බව දක්වමින් වාරිමාර්ග දෙපාර්තමේන්තුව මෙම අනතුරු ඇඟවීම නිකුත් කර ඇත.
