ලෙබනනයේ එක්සත් ජාතීන්ගේ සාම සාධක මෙහෙයුම්වල නිරත ශ්‍රී ලාංකික සෙබළුන් දෙදෙනෙකු ඊශ්‍රායල කාලතුවක්කු ප්‍රහාරයක් හේතුවෙන් සුළු තුවාල ලබා ඇති බව යුද හමුදාව පවසයි.
තුවාල ලැබූ සෙබළුන් දෙදෙනා එක්සත් ජාතීන්ගේ කඳවුරේ රෝහලක ප්‍රතිකාර ලබන බවයි, යුද හමුදාව පැවසුවේ.
කාලතුවක්කු ප්‍රහාර එල්ල වන අවස්ථාවේ ශ්‍රී ලංකා සෙබළුන් දෙදෙනා දකුණු ලෙබනනයේ නකොවූරා ගම්මානයේ එක්සත් ජාතීන්ගේ කඳවුරක සිට ඇති අතර එම කඳවුරට ආසන්නව සාමසාධක හමුදා භටයින් සිටි නිරීක්ෂණ කුලුනකට එල්ලකර ඇති බව ද සඳහන්.