හිටපු පාර්ලිමේන්තු මන්ත්‍රී රන්ජන් රාමනායක අලුත් පක්ෂයකින් මෙවර මහ මැතිවරණයට ගම්පහ දිස්ත්‍රික්කයෙන් තරග වැදීමට සූදානම් වන බව වාර්තා වනවා.
මානව හිතවාදී දේශපාලඥයකු හා දක්ෂ කලාකරුවකු මෙන්ම රන්ජන්ගේ මාමා වූ දිවංගත විජය කුමාරතුංග මහතාගේ 79 වැනි ඡන්ම දිනය යෙදී ඇති අද (09) දිනයේදී රාමනායක මහතා මේ බව ප්‍රකාශයට පත්කරනු ඇතැයි පැවසේ.
මීට දින කිහිපයකට පෙර රාමනායකගේ ප්‍රජා අයිතිය කඩිනමින් යථා තත්ත්වයට පත් කිරීමට අදාළ ලිපි ලේඛන සමඟ ඔහු ජනාධිපති කාර්යාලයට ගොස් තිබිණි.
ජනාධිපති කාර්යාලයට පැමිණීමෙන් අනතුරුව මාධ්‍යවේදීන් අමතමින් රන්ජන් රාමනායක කියා සිටියේ සිය ප්‍රජා අයිතියට අදාළ ලිපි ලේඛන කිහිපයක් රැගෙන එන ලෙස තමාට ජනාධිපති කාර්යාලයෙන් දැනුම් දී ඇති බවයි.
කෙසේ වෙතත් තම ප්‍රජා අයිතිය ලබා ගැනීම සම්බන්ධව ජාතික ජන බලවේගය සමග මෙන්ම ජනාධිපති අනුර කුමාර දිසානායක සමග ද සාකච්ඡා කල බව ඔහු පවසා තිබුණා.
තම ප්‍රජා අයිතිය යළි ලබා දෙන්නේ නම් එන්පීපීයෙන් මහ මැතිවරණයට තරග කරන්නේ දැයි ඇසූ ප්‍රශ්නයකට පිළිතුරු දුන් රන්ජන් රාමනායක එහිදී කියා සිටියේ ඒ ගැන කිසිවක් කීමට තවමත් කල් වැඩි බවයි.