විෂ කාරක පොල්තෙල් නැවතත් වෙළඳපළට – භාවිතයට පෙර විමසිලිමත් වන්න !

විෂ කාරක පොල්තෙල් (ලූස් පොල්තෙල් ) වෙළඳපොළේ සුලභව පැතිර ඇති හෙයින් ඒ ගැන දැඩි විමසිල්ලෙන් පසු වන්නැයි සමස්ත ලංකා පාරම්පරික පොල්තෙල් නිෂ්පාදකයන්ගේ සංගමය අද කොළඹ පැවති මාධ්‍ය සාකච්ඡාවක් පවත්වමින් ජනතාවගෙන් ඉල්ලීමක් කළා.

සමස්ත ලංකා පාරම්පරික පොල්තෙල් නිෂ්පාදකයන්ගේ සංගමයේ තුෂාර විජේසිංහ සහ එස්.කේ.බී ජයවීර යන මහත්වරුද මේ අවස්ථාවට සහභාගි වුණා.

මේ හේතුවෙන් නිෂ්පාදකයා ගැන සඳහන් ලේබලයක් සහිත පොල්තෙල් මිලදී ගන්නා ලෙස ජනතාවගේ ඉල්ලීමක් කරන බව සංගමයේ කැඳවුම්කරු බුද්ධික ද සිල්වා මහතා සඳහන් කළේය.

ආනයනික පොල්තෙල් ගුණාත්මක බවින් ඉහළ බවට මහජන සෞඛ්‍ය ප්‍රධානියකු වැරදි ප්‍රකාශයක් කර ඇති බවත් ඔහුගේ එම ප්‍රකාශය ජනතාව නොමග යවන සුළු වැරදි එකක් බවත් ඔහු සඳහන් කළේය.

කෘතිමව පිරිපහදු කළ පාවිච්චි කළ තෙල්වල බැරලෝහ අන්තර්ගත වන බවත් මේවා පාවිච්චි කිරීමෙන් බෝ නොවන රෝග වැළඳෙන්නේ යයි සොයාගෙන ඇති බවත් බුද්ධිකද සිල්වා මහතා පැවසීය.

නිසි විද්‍යාත්මක පරීක්ෂාවක් කෙරී නැති තත්ත්වයක් යටතේ ආනයනික පොල්තෙල් හොඳ යයි ප්‍රකාශ කරන්නේ කෙසේදැයි ඔහු ප්‍රශ්න කළේය.