BRICS සමුළුවට එන්න – අනුරට පුටින්ගෙන් පුද්ගලික ඇරයුමක්!

ආර්ථික සහයෝගිතාව වෙනුවෙන් බ්‍රසීලය, රුසියාව, ඉන්දියාව, චීනය සහ දකුණු අප්‍රිකාව එක්ව පිහිටුවාගත් BRICS සංවිධානයේ මීළඟ සමුළුව ඔක්තෝම්බර් 22 සිට 24 දක්වා රුසියාවේ කාසන් නුවරදී පැවැත්වීමට නියමිතයි.

මේ සඳහා රුසියානු ජනාධිපති ව්ලැඩිමීර් පුටින්ගේ ආරාධනයෙන් ශ්‍රී ලංකාව සහභාගී වීමට නියමිතව තිබෙනවා.

කෙසේවෙතත්, පාර්ලිමේන්තු මැතිවරණයේ ප්‍රචාරක කටයුතුවල නියැළෙන බැවින් ජාතික ජන බලවේගයේ දේශපාලන නායකත්වයේ කිසිවකුත් සමුළුවට සහභාගි නොවනු ඇති බව වාර්තා වේ.

උතුරු අමෙරිකාවේ සහ බටහිර යුරෝපයේ ආර්ථික වශයෙන් ධනවත් රටවල දේශපාලන හා ආර්ථික බලයට අභියෝග කිරීම සඳහා ආර්ථික වශයෙන් සංවර්ධනය වෙමින් පවතින රටවල් එක්සත් කිරීම වෙනුවෙන් BRICS පිහිටුවන ලදී.

2024 BRICS සමුළුවේ මුලසුන දරනු ලබන්නේ රුසියාවයි.

ඊට සහභාගි වන ලෙස රුසියානු තානාපති Levan S. Dzhagaryan විසින් ජනාධිපති අනුර කුමාර දිසානායක වෙත ආරාධනා කර ඇත. හිටපු ජනාධිපති වික්‍රමසිංහගේ කැබිනට් මණ්ඩලය BRICS හි සාමාජිකත්වය සඳහා අයදුම් කිරීමට නිර්දේශ කර තිබූ අතර එම සාමාජිකත්වය ශ්‍රී ලංකාව තවමත් බලාපොරොත්තුවෙන් සිටී. BRICS හි නව සාමාජික රටවල් වන්නේ ඊජිප්තුව, ඉරානය, ඉතියෝපියාව සහ එක්සත් අරාබි එමීර් රාජ්‍යයයි.