නොමැකෙන යුගයක් ලියා මහින්ද රාජපක්​ෂ දේශපාලනයෙන් සමුගනී?

හිටපු ජනාධිපති මහින්ද රාජපක්​ෂ ඉදිරි මැතිවරණයට තරග නොකිරීමට තීන්දු කර ඇති බව වාර්තා වෙයි.

ඒ අනුව ඔහු දේශපාලනයෙන් පූර්ණ ලෙස විශ්‍රාම ගැනීමට නියමිතව තිබේ.

අද වන විට දේශපාලනය තුළ ඇති වී තිබෙන අවාසිදායක තත්ත්වයත් සෞඛ්‍ය තත්වය, සිය වයස පිළිබඳවත් සලකමින් ඔහු මෙම තීරණය ගෙන ඇත.

සාම්ප්‍රදායික දේශපාලනයට එල්ල වී ඇති විවේචනයන් ද මේ සඳහා බලපා ඇති බව ද දැනගන්නට තිබේ.

මෙරට පැවති යුද්ධය අවසන් කිරීමට අවශ්‍යය දේශපාලන නායකත්වය ලබාදීම, ආර්ථික වර්ධන වේගය 7.6% ක් දක්වා ගෙන ඒම, දල ජාතික නිෂ්පාදනය ඩොලර් බිලියන 84ක් දක්වා වර්ධනය කිරීම ඔහු​ගේ ජනාදිපති ධුර කාලය ​ඇතුලත සිදු කිරීමට සමත් විය.

කෙසේ නමුත් මහින්ද රාජපක්ෂ සම​යේ සිදු කරනු ලැබූ ඇතැම් සංවර්ධන ව්‍යාපෘති සම්බන්ධයෙන් දැ​ඩි විවේචන ද එල්ලවී තිබේ.

පසුගිය රාජපක්ෂ පාලන සමය තුලදී සිදුවූ ආර්ථික කඩා වැටීමට හිටපු ජනාධිපති ගෝඨාභය රාජපක්ෂ, හිටපු මුදල් අමාත්‍යවරුන් වන මහින්ද රාජපක්ෂ, බැසිල් රාජපක්ෂ ඇතුළු පිරිසක් වගකිව යුතු යැයි තීන්දු කළ ශ්‍රේෂ්ඨාධිකරණය එම පිරිස මූලික මිනිස් අයිතිවාසිකම් උල්ලංඝනය කර ඇතැයි පසුගි​ය (නොවැම්බර් 14 වැනිදා) තීන්දුවක් ලබා දුන්නේය.

මහින්ද රාජපක්ෂ 2005 වර්ෂයේ සිට 2015 දක්වා ධූර කාලයන් දෙකක් මෙරට විධායක ජනපතිවරයා ලෙස කටයුතු කළේ ය.

ඉන් අනතුරුව 2019 වර්ෂයේ ජනාධිපති ලෙස කටයුතු කළ ගෝ රාජපක්ෂගේ සමයේ මහින්ද රාජපක්ෂ අග්‍රාමාත්‍යවරයා ලෙස ද කටයුතු කළා.