ජනාධිපති නිල නිවාස ජනතා ප්‍රදර්ශනයට?

පාලකයන්ගේ වරදින් ජනතාව දුක් විඳිද්දී මේ රටේ නායකයන් ගත කළ සුඛෝපභෝගී දිවි පෙවත ජනතාවට දැක ගැනීම සඳහා ඉදිරියේදී විශ්‍රාමික ජනාධිපතිවරු භාවිත කළ නිල නිවාස ජනතා ප්‍රදර්ශනයට විවෘත කිරීමට බලාපොරොත්තු වන බව ජාතික ජන බලවේගයේ විධායක සභික කේ.ඩී. ලාල්කාන්ත පවසනවා.

යටිනුවර වීදියේ ඩෙවෝන් රෙස්ට්හිදී පැවැති මාධ්‍ය හමුවකදී ඔහු මේ බව කියා සිටි අතර එහිදී ඔහු පෙන්වා දුන්නේ, ඉදිරියේදී එම නිල නිවාස මහජන ප්‍රදර්ශනය කරනු ඇතැයි බියෙන් ඇතැම් පිරිස් මේ වන විටත් එම නිල නිවාසවල තිබූ සුඛෝපභෝගී බඩු බාහිරාදිය වෙනත් ස්ථානයන්ට ගෙන යෑමේ උත්සාහයක නිරතවී ඇති බවයි.

එහිදී ඔහු වැඩිදුරටත් පැවසූවේ,

“මේ රටේ දේශපාලනඥයන් ජනතාවගේ සම්පත් පාවිච්චි කළ ආකාරය නොදැන සිටි අය ඒවා දැනගත යුතුයි, ඒ වෙනුවෙන් තව තවත් ප්‍රදර්ශන පවත්වන්න අපි බලාපොරොත්තු වනවා, ජනතා මුදල් කාබාසිනියා කරමින් සිඟිති ආතල් ගත්තු උදවියට මේවා ගැටලුවක් වෙන්න පුලුවන්”