කාන්තා විස්සයි 20 ලෝක කුසලාන ක්‍රිකට් තරගාවලියේ ශ්‍රී ලංකාව ක්‍රීඩාකරන පළමු තරගය පාකිස්තාන කණ්ඩායමට එරෙහිව අද (3) පැවැත්වේ.
ශ්‍රී ලංකාව සමඟ තරගයේ කාසියේ වාසිය දිනාගත් පාකිස්තාන කණ්ඩායම පළමුව පන්දුවට පහරදීමට තීරණය කරනලදි.
එම තරඟය මෙරට වෙලාවෙන් රාත්‍රී 7.30ට sharjah හිදී ආරම්භ වීමට නියමිත ය.
තරගාවලියේ නිල රූපවාහිනී විකාශන අයිතිය මෙවරත් හිමිව ඇත්තේ Star Sports මාධ්‍ය ජාලයටයි.
තරගාවලියේ මෙරට නිල දේශීය රූපවාහිනී විකාශන අයිතිය සිරස TV මාධ්‍ය ජාලයට හිමිව ඇති අතර, ඒ අනුව තරගාවලිය TV1 නාලිකාව ඔස්සේ සජීවීව විකාශය කිරීමට නියමිතයි. තරගාවලිය www.sirasatv.lk වෙබ් අඩවිය ඔස්සේ ද සජීවීව නැරඹීමට අවස්ථාව හිමිවනවා.
2024 කාන්තා පන්දුවාර විස්සයි 20 ලෝක කුසලාන ක්‍රිකට් තරගාවලියට රටවල් 10 ක් එක්වනවා. දින 18 ක් පුරා පැවැත්වෙන තරගාවලියට තරග 23 ක් ඇතුළත්. ඩුබායි හා සාජා හී දී සියලු තරග පැවැත්වීමට නියමිතයි.