රාජ්‍ය පරිපාලන, ස්වදේශ කටයුතු පළාත් සභා පළාත් පාලන සහ කම්කරු අමාත්‍යාංශයේ නව ලේකම්වරයා ලෙස ජ්‍යෙෂ්ඨ පරිපාලන නිලධාරියෙකු වන එස්. ආලෝක බණ්ඩාර පත් කර තිබෙනවා.
ඒ, ජනාධිපති අනුර කුමාර දිසානායක මහතා විසින්.
අදාළ පත්වීම් ලිපිය ජනාධිපති ලේකම් ආචාර්ය නන්දික සනත් කුමානායක විසින් අද (03) ජනාධිපති ලේකම් කාර්යාලයේදී ආලෝක බණ්ඩාර මහතා වෙත භාරදුන් බවයි ජනාධිපති මාධ්‍ය අංශය නිවේදනය කළේ.
ජනාධිපතිවරයා විසින් රාජ්‍ය පරිපාලන ස්වදේශ කටයුතු පළාත් සභා හා පළාත් පාලන සහ කම්කරු අමාත්‍යාංශ ලේකම්වරයා ලෙස පත්කළ ප්‍රදීප් යසරත්න පසුගිය 30 වනදා සිට විශ්‍රාම යෑමට තීරණය කර තිබුණා.
ඔහු විශ්‍රාම යාමට නියමිතව ඇත්තේ මේ වසරේ දෙසැම්බර් 03 වැනිදා සිට වූවත් පෞද්ගලික හේතු මත තමා අද සිට විශ්‍රාම යන බවත් විශ්‍රාම යෑමට අදාළ ලිපි මීට මාස කිහිපයකට පෙර තමා විශ්‍රාම වැටුප් දෙපාර්තමේන්තුවට යොමුකළ බවත් ප්‍රදීප් යසරත්න ජනමාධ්‍ය වෙත පවසා තිබුණා
හෙතෙම අගමැතිනිය යටතේ පවතින රාජ්‍ය පරිපාලන, ස්වදේශ කටයුතු පළාත් සභා හා පළාත් පාලන සහ කම්කරු අමාත්‍යාංශවල නව ලේකම්වරයා ලෙස පත්කර තිබිණි.