පොදු එකඟතාවයක් මත පාර්ලිමේන්තු මැතිවරණයට එක්ව තරග කරන ලෙස ඉන්දීය මහකොමසාරිස් සන්තෝෂ් ජා උතුරු නැගෙනහිර දේශපාලන පක්ෂවලට දන්වා තිබේ.
ඉන්දීය මහකොමසාරිස්වරයා මෙම දැනුම්දීම සිදුකර ඇත්තේ උතුරු නැගෙනහිර දේශපාලන පක්ෂ නියෝජයන කරන දේශපාලන නායකයින් පිරිසක් ඊයේ (30) සවස කොළඹදී ඉන්දීය මහකොමසාරිස්වරයා මුණගැසුන අවස්ථාවේ දී ය.
දෙමළ දේශපාලන පක්ෂ වෙන්වී කටයුතු නොකළ යුතු බවද හොඳ තීරණයකට පැමිණ එළඹෙන මහ මැතිවරණයෙන් වැඩි ආසන ප්‍රමාණයක් දෙමළ දේශපාලන පක්ෂ එකමුතුවක් විසින් දිනා ගැනීම තමන්ගේ අපේක්ෂාව බව ද ඉන්දීය මහකොමසාරිස්වරයා පැවසූ බව සෙල්වම් අඩෙයික්කලනාදන් අද වව්නියාවේ දී මාධ්‍ය අමතා පැවසුවේය.
එසේ වුවහොත් රජය සමග සාකච්ඡා කර දෙමළ ජනතාව වෙනුවෙන් පැමිණ හොඳ තීන්දු ලබා ගත හැකි අවස්ථාවක් උදාවන බව ද ඉන්දීය හමකොමසාරිස්වරයා දෙමළ දේශපාලන පක්ෂ වෙත පවසා ඇත.
තවදුරටත් කරුණු දක්වා ඇති ඉන්දීය මහකොමසාරිස්වරයා කියා ඇත්තේ වත්මන් ජනාධිපතිවරයා සමග එක්ව කටයුතු කිරීමට ඉන්දීය රජය සූදානම් බවය.
උතුරු නැගෙනහිර දෙපාලත කේන්ද්‍රකරගත් සංවර්ධන කටයුතුවල ප්‍රතිලාභ දෙමළ ජනතාවට ලැබිය යුතු ආකාරයට කටයුතු කිරීම එහි දේශපාලන නියෝජනයේ වගකීම බවද එහිදී ඉන්දීය මහකොමසාරිස්වරයා දෙමළ දේශපාලන පක්ෂ වෙත දන්වා තිබේ.
ඉලංකෙයි තමිල් අරසු කච්චි පක්ෂයේ නායක මාවෙයි සේනාධිරාජා, මහලේකම් වෛද්‍ය පී සත්‍යලිංගම්, ටෙලෝ නායක සෙල්වම් අඩික්කලනාදන්, ප්ලොට් නායක ධර්මලිංගම් සිද්ධාර්ථන්, ඊපී.ආර්. එල්.එෆ් නායක සුරේෂ් ප්‍රේමචන්ද්‍රන්. මේ අවස්ථාවට සහභාගී වී තිබිණි.
පක්ෂයේ මහ ලේකම්වරයා පවසන පරිදි තමන්ගේ නාමයෝජනා ප්‍රතික්ෂේප වී ඇත්තේ සන්නිවේදන ප්‍රශ්නයක් හේතුවෙන් නම් සමගි…
ත්‍රිරෝද රථයක සිටි පුද්ගලයෙක්ට ග්‍රෑන්ඩ්පාස් පොලිස් වසමේ මාදම්පිටිය, කනත්ත ආසන්නයේදී වෙඩිතබා ඝාතනය කර තිබේ. අද…
ප්‍රවීණ රංගනවේදිනි දමිතා අබේරත්න සහ ඇයගේ සැමියා සන්තකයේ තිබී අත්අඩංගුවට ගත් වාහනය සම්බන්ධයෙන් නියෝගය ලබන…
ශ්‍රී ලංකන් ගුවන් සේවය විකිණිමේ සැලසුම් අත්හැර දමා වඩාත් ලාභදායි අනාගතයක් උදෙසා ගුවන් සේවය ප්‍රතිව්‍යුහගත…
අම්බුළුවාව ප්‍රදේශයේ ඉදි කෙරෙන මෙරට ප්‍රථම කේබල් කාර් ව්‍යාපෘතියේ කටයුතු සඳහා කිසිදු බාධා කිරීමක් හෝ…
ජනාධිපතිවරණයේදි වතුකරයේ ජනතාව තම දරුවන්ගේ කැමැත්තට අනුව ඡන්දය භාවිතා කළ බව ලංකා කම්කරු කොන්ග්‍රසයේ මහ…