බිත්තර මිල අඩුවීමේ වාසිය පාරිභෝගිකයාට ලබා දිය යුතු බවට පාරිභෝගික කටයුතු අධිකාරිය නිවේදනයක් නිකුත් කොට තිබෙනවා.
එසේම අලෙවි කරනු ලබන බිත්තර ආශ්‍රිත නිෂ්පාදන වල මිල පැහැදිලිව පෙනෙන ආකාරයට වෙළෙඳසැලෙහි ප්‍රදර්ශන කළ යුතුයි.
එසේ නොකරන වෙළෙඳුන් සම්බන්ධයෙන් දිවයින පුරා වැටලීම් සිදු කිරීමට කටයුතු කරනු ලබන බව එම නිවේදනයේ වැඩිදුරටත් සඳහන්.
බිත්තර මිල අඩුවීමට සාපේක්ෂව බිත්තර ආශ්‍රිත නිෂ්පාදවල මිල ද අඩුවිය යුතු අතර ඒ සම්බන්ධයෙන් අවධානය යොමු කරන ලෙස බේකරි හිමියන්ගේ සංගමය, සමස්ත ලංකා ආපන හිමිකරුවන්ගේ සංගමය ඇතුළු බේකරි සහ හෝටල් හිමිකරුවන් වෙත දැනුම් දෙන බව එහි සඳහන්.