රනිල් වික්‍රමසිංහ සහ සජිත් ප්‍රේමදාස එකට එකතු වී මෙම මැතිවරණයට මුහුණ දුන්නේ නම් ජයග්‍රහණය ලබන බවට පලවන ප්‍රකාශ අංක ගණිතමය වශයෙන් පමණක් බලා කරන විග්‍රහයන් බව සමගි ජන බලවේගයේ නායක සහ විපක්ෂ නායක සජිත් ප්‍රේමදාස පැවසුවා.
ඔහු පෙන්වා දෙන්නේ ගැඹුරු දේශපාලනික විග්‍රහයකට ගියොත් මේ ගොඩනගන තර්කය සත්‍යයක් හෝ යථාර්ථයක් නොවන බවයි.
විපක්ෂ නායකවරයා පැවසුවේ ඉදිරි මහ මැතිවරණය සම්බන්දව ද සමගි ජන සන්ධානය සිය පක්ෂ මූලස්ථානයේ දී පැවැත්වූ විශේෂ සාකච්චාවෙන් අනතුරුව මාධ්‍යයට අදහස් දක්වමිනි.
මාධ්‍යය ඇමතූ ප්‍රශ්නවලට පිළිතුරු දෙමින් සජිත් ප්‍රේමදාස කීවේ ඊයේ විපක්ෂ පොදු සන්ධානයක් හදන්නට ආරාධනා කරන බව කී රනිල් වික්‍රමසිංහ අද මහ මැතිවරණයට ඉදිරිපත් වන්නේත් නැති බව නිවේදයක් නිකුත් කර ඇති බවය. එවැනි පුද්ගලයෙක් සමග යා හැකි ගමනක් තිබේ දැයි සජිත් ප්‍රේමදාස විමසා සිටියා.