සමගි ජන බලවේගය ජනාධිපති අපේක්ෂක සජිත් ප්‍රේමදාස මහතාගේ ඡන්ද පත්‍රිකාවක් ප්‍රතික්ෂේප කළබව කියන පුද්ගලයෙකුට පහර දුන් සමගි ජන බලවේගය ආසන සංවිධායකවරයකු අත්අඩංගුවට ගත් බව නාවලපිටිය පොලිසිය පවසනවා.
පොලිසිය පවසන්නේ, මෙසේ අත්අඩංගුවට ගෙන ඇත්තේ නාවලපිටිය, බව්වාගම පදිංචි අවුරුදු 41ක පුද්ගලයෙකු බවයි.
සැකකරු නාවලපිටිය දොළොස් භාගයේ ප්‍රදේශයේදී සමගි ජන බලවේගය ජනාධිපති අපේක්ෂක සජිත් ප්‍රේමදාස මහතාගේ ඡන්ද පත්‍රිකා බෙදා හැරීමේ නිරතව සිට තිබෙනවා.
එහිදී සැකකරු විසින් මැතිවරණ ඡන්ද පත්‍රිකාවක් පැමිණිලිකරුට ලබාදී ඇති අතර, එහිදී පැමිණිලිකරු එය ප්‍රතික්ෂේප කර ඇති අතර ඊට උරණ වී සැකකරු පැමිණිලිකරුට පහරදී ඇති බව පොලිස් විමර්ශන වලදී අනාවරණය වී තිබෙනවා.
පහර කෑමෙන් තුවාල ලැබූ පැමිණිලිකරු නාවලපිටිය රෝහලට ඇතුළත් කර ඇති අතර සැකකරු අත්අඩංගුවට ගත් බව පොලිසිය පවසනවා.