කෝටි 13ක කොන්ත්‍රාත්තුවට S. F. ලොක්කා ඝාතනය කල සංජීව මහානාමගේ පැටිකිරිය එළියට !

අනුරාධපුර පාතාල ප්‍රබලයෙකු වන එස්. එෆ් ලොක්කා නැමැත්තා ඝාතනය කිරීම පොලිස් නිලධාරීන් පිරිසක් විසින් සිදු කරන ලද්දක් බවට මේ වන විට හෙලි වී හමාරය.

මේ සඳහා අනුරාධපුර ප්‍රබල පොලිස් නිලධාරියෙකු සහකාර පොලිස් අධිකාරී සංජීව මහනාම නැමැත්තා සෘජුවම සම්බන්ධ අතර 2020 වසරේ අගෝස්තු 05 වන මහ මැතිවරණ දිනයේදී ටී 56 ගිනි අවියකින් එස්. එෆ් ලොක්කාව ඝාතනය කිරීමට සංජීව මහානාම අනුබල දී ඇති බව කරුණු හෙළි වෙයි. එස්. එෆ් ලොක්කා තම පෙම්වතිය සමග අනුරාධපුර දහයියාගම ප්‍රදේශයේ මෝටර් රථයක ගමන් කරමින් සිටියදී යතුරුපැදියකින් පැමිණි වෙඩික්කරුවන් දෙදෙනෙකුගෙන් වෙඩි කා මිය ගියා.

මෙම ඝාතනය සිදු වන අවස්ථාවේදී අනුරාධපුර මූලස්ථාන පොලිස් ස්ථානාධිපති ලෙස කටයුතු කල සංජීව මහානාම නැමැත්තා තමාට පක්ෂපාතී මාධ්‍ය කණ්ඩායමක් ද යොදා ගනිමින් මෙම ඝාතනය මත්ද්‍රව්‍ය ජාවාරම්කරුවන් අතර වූ ආරවුලක් හේතුවෙන් සිදු වූ බවට සමාජයට හඟවා තිබුණා.
ඒ වන විටත් එම ඝාතනයේ විමර්ෂණ කටයුතු භාරව සිටියේ ද සංජීව මහානාමයි.

මේ පිළිබඳව අපරාධ පරීක්ෂණ දෙපාර්තමේන්තුව අනාවරණය කරගෙන ඇති කරුණු අනූව එස්. එෆ් ලොක්කා ඝාතන කොන්ත්‍රාත්තුව සඳහා රුපියල් කෝටි 30ක් වෙයි. සිද්ධිය පිළිබඳ කරුණු දැන දැනත් විමර්ශන නිලධාරීන් නොමග යැවීමට සංජීව මහනාම කටයුතු කර ඇති බවට ද අනාවරණය වී තිබෙනවා.

එස්. එෆ්. ලොක්කාගේ පෙම්වතියකගේ සැමියා විසින් මෙම ඝාතනය සිදු කර ඇති බවට මෙන්ම මතුගම පාතාල සාමාජික ශානි නැමැත්තා විසින් මෙම ඝාතනය සිදු වී ඇති බවට ද සංජීව මහානාම මත ගොඩනැංවීමට කටයුතු කර තිබෙනවා. එස්. එෆ් ලොක්කා සහ මෝදර කිඹුලාඇල ගුණා සමග මත්ද්‍රව්‍ය ආරවුලක් හේතුවෙන් මෙම ඝාතනය සිදු වූ බවට ද මතයක් ජනගත කිරීමට සමත් වී ඇත්තේ පොලිස් ඉහළ නිලධාරීන් පවා නොමග යවමිනි.

එස්. එෆ් ලොක්කා ඝාතනයෙන් පසු විවිධ ව්‍යාපාරිකයන් විසින් සංජීව මහනාම වෙත රුපියල් කෝටි 13ක් ලබා දී ඇති බව අපරාධ පරීක්ෂණ දෙපාර්තමේන්තුව අනාවරණය කරගෙන තිබෙනවා.

කෙසේ වෙතත් උතුරුමැද පළාත් භාර ජ්‍යෙෂ්ඨ නියෝජ්‍ය පොලිස්පති නන්දන මුණසිංහ මේ පිළිබඳ සැකසහිත බව පෙන්වා දුන්නද ඔහු නිසි වයස සම්පූර්ණ වී විශ්‍රාම යාම නිසා එම විමර්ශන කටයුතු අතරමග නැවතී තිබෙනවා.

ඝාතකයෙක් නැති ඝාතනයක් ලෙස සිව් වසරක් පැවති මෙම සිද්ධිය පොලිස් කොන්ත්‍රාත්තුවක් බවට හෙලි වන්නේ අනුරාධපුර මත්ද්‍රව්‍ය ජාවාරමට සම්බන්ධ බැටා නැමැත්තාගේ පාපොච්චාරණය සමගයි.

සීමාව ඉක්මවා දේශපාලන සහ ව්‍යාපාරිකයන් සමග සඹඳතා පැවැත්වූ සංජීව මහනාමගේ උසස්වීම් සම්බන්ධයෙන් ද පොලිසිය තුල විවිධ චෝදනා එල්ල වී තිබුණා.

අපරාධ පරීක්ෂණ දෙපාර්තමේන්තුව විසින් දන්වා ඇති පරිදි සංජීව මහනාම අනුරාධපුර පොලිස් ස්ථානයේ රාජකාරී සිදු කරන අවස්තා වල අවුරා ලංකා සමාහමේ සභාපති විරංජිත් තාඹුගල යන අය සමග සමීප සඹඳතා පවත්වා තිබෙනවා. මීට අමතරවර මොහු මත්ද්‍රව්‍ය ජාවාරම් සහ නීති විරෝධී ක්‍රියාකාරකම් වල නියැලී ඇති බවට බැටා විසින් සිදුකල පාපොච්චාරණ වලදී සඳහන් වී තිබෙනවා. මේ පිළිබඳ වැඩිදුර පරීක්ෂණ සිදු කරන අපරාධ පරීක්ෂණ දෙපාර්තමේන්තුව විසින් මොවුන් අයතා ලෙස උපයාගෙන ඇති වත්කම් බැරකම් පිළිබඳව ද සොයා බලන බව සඳහන්.

කෙසේ වෙතත් මෙම අපරාධ පිළිබඳව නව සංවාදයක් සමාජයේ ගොඩනැගෙන්නේ උද්ධික ප්‍රේමරත්නගේ වෙඩි තැබීමේ සිද්ධියත් සමගයි. උද්ධික ප්‍රේමරත්නගේ මෝටර් රථයට එල්ල වූ වෙඩි ප්‍රහාරය සඳහා සංජීව මහානාම සම්බන්ධ බවට අපරාධ පරීක්ෂණ දෙපාර්තමේන්තුව විසින් සැක පල කරන අතර එම සිදුවීම උද්ධික සහ මහනාම විසින් රඟ දක්වන නාටකයක් බව පෙනී ගොස් අවසන්. හිටපු පාර්ලිමේන්තු මන්ත්‍රී උද්ධික ප්‍රේමරත්න සහ පවුල මෙම සිද්ධිය හේතුවෙන් කැනඩාවේ රැකවරණය පතනු ලැබුවා.

2007 වසරේදී යුධ හමුදා සාමාන්‍ය සෙබලෙක් ලෙස විශේෂ බලකායට එක් වන ඉරෝෂ් රණසිංහ හෙවත් එස්. එෆ්. ලොක්කා 2015 වසරේදී යුධ හමුදාවෙන් පලා ආවෙකි. 2015 දී අනුරාධපුර සමාජ ශාලාවකදී කරාතේ ශූරයෙකු වන වසන්ත සොයිසා ඝාතනයෙන් පසු ඔහු රටක් හඳුනන අපරාධකරුවෙක් ලෙස කරළියට පැමිණ තිබුණා.

එම සිද්ධිය හේතුවෙන් සිරබත් කෑමට සිදු වූ එස්. එෆ් ලොක්කා නැවත සිර ගෙයින් පිටතට පැමිණෙන විට අනුරාධපුර නගරයේ සමාජ ශාලාවක් පවත්වාගෙන ගිය වසන්ත සොයිසා ඝාතනය කිරීමත් සමග ඔහුට විශාල සමාජ පිළිගැනීමක් හිමි වී තිබුණා.

එතැන් පටන් ඔහු සමාජයේ වීර භූමිකාවක් රඟ දැක්වූ අතර ප්‍රදේශයේ ප්‍රසිද්ධ ව්‍යාපාරිකයන්ගෙන් කප්පම් ලබා ගනිමින් සුඛෝපභෝගී ජීවිතයක් ගත කලා. නැවතත් ඔහුට 2017 වසරේදී සිරබත් කෑමට සිදු වන්නේ කල්බදු සමාගමකට අයත් වාහනයක් කොල්ලා කෑම හේතුවෙන්.