ලොව ජනප්රියතම ක්රීඩා තරුවක් වන පෘතුගාල සුපිරි පාපන්දු ක්රීඩක ක්රිස්ටියානෝ රොනාල්ඩෝ සමාජ මාධ්ය ඉතිහාසය අලුතින් ලියමින් පෙරළිකාර ගමනක නියැලෙනවා.
රොනාල්ඩෝ යූටියුබ් ආගමනයත් සමඟ ඔහු YouTube නාලිකාව දියත් කර එහි පළමු මිනිත්තු 90 තුළ මිලියනයකට වඩා ග්රාහකයින් තමන් සන්තක කරගැනීමට ඔහු පසුගියදා සමත් වුණා.
එයාකාර වාර්තා තැබූ ඔහු, සිය සමාජ මාධ්ය වේදිකාවන් හි ”බිලියන 1 ක අනුගාමිකයින්” (1 BILLION followers) සම්පූර්ණ කරගැනීමට මේ වෙද්දි සමත්කම් දක්වා අවසන්.
ඒ සුවිශේෂී ආරංචිය ගැන ඔහු X හි සටහනක් ද තබා තිබුණා.
එහි ඔහු විශේෂ කරලා තිබුණෙ, “එය ක්රීඩාවට එහා ගිය ආදරය පිළිබඳ සාක්ෂියක්” වන බව.
එහිදී රොනාල්ඩෝ රසිකයින්ට ස්තුතිය පුදකර තිබූ අතර ම තමන් මැඩෙයිරා හි කුඩා පිරිමි ළමයෙකුගේ සිට විශිෂ්ටතම ක්රීඩකයෙකු බවට පත්වීම දක්වා වූ ගමන ගැන ද ආවර්ජනය කර තිබීම විශේෂයි.
ඒ අනුව සියලුම සමාජ මාධ්ය වේදිකා හරහා අනුගාමිකයින් බිලියන 1 සීමාව පසු කළ පළමු පුද්ගලයා බවට පත්වන්නේත් ඔහුයි.
X හි අනුගාමිකයින් මිලියන 100 කට වඩා වැඩි පිරිසකට හිමිකම් කියන ඔහුගේ Instagram හි අනුගාමිකයන් ගණන මිලියන 600 කට වඩා වැඩියි.
මෑතකදී දියත් කළ යූ ටියුබ් නාලිකාව, මේ වන විට ග්රාහකයින් මිලියන 60 ක් රැස් කරගෙන.
ඔහුගේ ෆේස්බුක් හි මිලියන 170කට අධික අනුගාමිකයින් සිටින අතර ම චීන සමාජ මාධ්ය වේදිකාවල ද රොනාල්ඩෝ සිය අණසක පතුරා අවසන්.
ඒ වගේම UEFA Nations League තරඟාවලියේදී ක්රොඒෂියාවට එරෙහිව පෘතුගාලය වෙනුවෙන් ක්රීඩා කරන අතරතුර රොනාල්ඩෝ ඔහුගේ 900 වැනි වෘත්තීය ගෝලය වාර්තා කරමින් පසුගියදා තවත් සුවිශේෂී කඩඉමක් පසුකළ වගත් යළි මතක් කළ යුතුයි.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්රදේශවල…
අධ්යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්රේණිය ශිෂ්යත්ව විභාග සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්රී ලංකා කණ්ඩායම අතර ගාල්ල ජාත්යන්තර ක්රිකට් ක්රීඩාංගණයේ දී පැවැත්වෙන පළමු…
පොළොන්නරුව බකමූණ ප්රදේශයේ ප්රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්ය වූ එහි සේවක සේවිකාවන්…
හිටපු සෞඛ්ය අමාත්යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…