ජනාධිපතිවරණයට දිවයින පුරා පාසල්වලට නිවාඩු ලැබෙන්නේ මෙහෙමයි !

සැප්තැම්බර් 21 වනදා පැවැත්වෙන ජනාධිපතිවරණය හේතුවෙන් දිවයිනේ සියලුම පාසල් සඳහා සැප්තැම්බර් 21වන දින නිවාඩු ලබාදෙන අතර 23 වනදින නැවත් පාසල් ආරම්භවන බව අධ්‍යාපන අමාත්‍යාංශය දැනුම්දී තිබෙනවා.

ඡන්ද මධ්‍යස්ථාන ලෙස යොදා ගන්නා පාසල් සැප්තැම්බර් 19 වනදින පාසල් වේලාවෙන් පසුව ග්‍රාම නිලධාරීන් වෙත අවශ්‍යතාව අනුව භාරදිය යුතු බවත් දන්වා සිටිනවා

ජනාධිපතිවරණය හේතුවෙන් හෙට(13) දිනයේ සිට බදුල්ලේ පාසල්වලට නිවාඩු ලබාදෙන බව ඌව පළාත් අධ්‍යාපන අමාත්‍යාංශයේ ලේකම් ගාමිණී මහින්දපාල ජෝපියස් මහතා පසුගියදා ප්‍රකාශ කළ ද එම පාසල් හෙට දිනයේ සිට සුපුරුදු පරිදි පැවැත් වෙනවා.

මේ මස 13 වනදා සිට බදුල්ලේ තෝරාගත් පාසල් කිහිපයකට නිවාඩු දෙන බව මීට පෙර දැනුම් දුන්නද පසුගියදා අධ්‍යාපන අමාත්‍යංශය විසින් පාසල් නිවාඩුව සම්බන්ධයෙන් ගනුලැබූ තීරණය අනුව කටයුතු කරන බවයි ගාමිණී මහින්දපාල ජෝපියස් කියා සිටියේ.

කෙසේවෙතත්, බදුල්ල දිස්ත්‍රික්කයේ ඡන්ද ගණන් කිරීමේ මධ්‍යස්ථාන සඳහා තෝරාගත් බදුල්ල මධ්‍ය මහා විදුහල සහ බදුල්ල විශාඛා උසස් බාළිකා විදුහල මෙම මස 18,19 සහ 20 යන දිනයන්හි, වසා දැමීමට තීරණය කර ඇති බවත් එම පාසල් 23 හෝ 24 වන දිනයන්හි යළි විවෘත කරන බවයි ලේකම්වරයා ප්‍රකාශ කළේ.

ඒ අනුව, බදුල්ල මධ්‍ය මහා විදුහල සහ බදුල්ල විශාඛා උසස් බාළිකා විදුහලට ලබන 24 වන දිනත් බදුල්ල දිස්ත්‍රික්කයේ සෙසු පාසල් සැප්තැම්බර් 23 වන දිනත් ආරම්භ කිරීමට නියමිත බව ඌව පළාත් අධ්‍යාපන අමාත්‍යාංශයේ ලේකම් ගාමිණී මහින්දපාල ජෝපියස් මහතා වැඩිදුරටත් සඳහන් කළා.

ඒ අනුව ජනාධිපතිවරණයේ ඡන්ද ගණන් කිරීමේ මධ්‍යස්ථාන සඳහා යොදාගැනෙන පාසල් පිළිබඳ අධ්‍යාපන අමාත්‍යංශය දක්වා තිබෙනවා. එම නිවේදනය පහතින්,