අන්තර්ජාලය හරහා රුපියල් කෝටි ගණනක මුදලක් වංචා කරන ලදැයි චීන ජාතිකයන් 13 දෙනෙකු අපරාධ පරීක්ෂණ දෙපාර්තමේන්තුව විසින් අද (12 වැනිදා) සැකපිට අත්අඩංගුවට ගෙන තිබෙනවා.
බොරැල්ල, ගෝතමී පාරේ ස්ථානයක සිදුකළ වැටලීමකදී අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන අංශ II ස්ථානාධිපති උපුල් ගල්වල ඇතුළු කණ්ඩායමක් විසින් මොවුන්ව අත්අඩංගුවට ගෙන ඇති අතර එම සැකකරුවන් අතර චීන ජාතික කාන්තාවන් දෙදෙනකු සිටිනවා. ඔවුන් සියලුදෙනා කොළඹ ප්‍රධාන මහෙස්ත්‍රාත් අධිකරණය වෙත අද ඉදිරිපත් කිරීමට නියමිත ය.
මොවුන් සන්තකයේ තිබී වංචාව සඳහා යොදාගත් ලැප්ටොප් පරිගණක සහ ජංගම දුරකථන රැසක්ද අපරාධ පරීක්ෂණ දෙපාර්තමේන්තුව භාරයට ගෙන තිබේ.