මිනිස් මොළයට බලපෑම් කළ හැකි නව වෛරසයක් චීනයෙන් සොයා ගෙන ඇති අතර චීන විද්‍යාඥයන් මෙම වයිරසය ‘තෙත් බිම් වයිරසය’ (WELV) යනුවෙන් නම් කර තිබෙනවා.
මෙම නව වයිරසය කිනිතුල්ලන්ගේ දෂ්ටනයෙන් මනුෂ්‍යයන්ට ආසාදනය වන බවට සොයාගෙන ඇති අතර මොළයට හානි කරමින් එයට ස්නායු පද්ධතිය මුළුමනින්ම අඩපණ කිරීමේ හැකියාවක් පවතින බවද චීන විද්‍යාඥයන් සඳහන් කරනවා.
මෙම වයිරසයට මෙතෙක් ප්‍රතිකර්මයක් සොයාගෙන නොමැති අතර, ප්‍රතිජීවක ඖෂධවලින් ද මෙම වයිරසය අඩපණ කළ නොහැකි බව පැවැසෙයි.
චීනයේ ජින්ෂු නගරයේ තෙත්බිම් උද්‍යානයක සේවය කිරීමෙන් පසුව රෝගී වූ 61 හැවිරිදි පුද්ගලයෙකුගෙන් 2019 ජුනි මාසයේදී මෙම වෛරසය පිලිබඳ පළමු වරට හඳුනාගෙන තිබේ. එම පුද්ගලයාට වෛරසය ආරම්භ වී තිබෙන්නේ නයට අයත් මොංගෝලියාවේදී බව තහවුරු වී තිබෙනවා.