පොළොන්නරුව මඩකලපුව ප්‍රධාන මාර්ගයේ කදුරුවෙල නගරයේ ඊයේ රාත්‍රී 8ට පමණ වෙළඳසැක් දෙකක හදිස්සි ගිනිගැනීමක් සිදු වී තිබෙනවා.
වෙළඳසැල් දෙකම විදුලි භාණ්ඩ අලෙවි කරන තෙමහල් වෙළඳසැල් දෙකක් වන අතර ගින්නෙන් එම වෙළෙඳසැල් දෙකම විනාශයට පත් වී විනාශ වී තිබුණා. ගින්න වෙළඳසැලක දෙවැනි මහලේ හටගෙන ඇති අතර ක්‍රමක් ක්‍රමයෙන් ගින්න යාබද අනෙක් වෙළඳසැලටද පැතිර ගිහින් තිබුණා
ගොඩනැගිල්ලේ ඇති වූ කාර්මික දෝෂයක් හේතුවෙන් ගිනිගැනීම හට ගන්නට ඇතැයි පොළොන්නරුව පොලිසිය සැක පළකරනවා.
පැය තුනකට ආසන්න කාලයක් පොළොන්නරුව මහ නගර සභාවේ ගිනි නිවීමේ ඒකකය හිඟුරක්ගොඩ ගුවන් හමුදා කඳවුරේ ගිනි නිවීමේ ඒකකයේ නිලධාරීන් සහ නගරවාසීන් පොළොන්නරු පොලිසිය එක්ව ගින්න මැඩපැවැත්වීමටත් කටයුතු කර තිබෙනවා.
මේ හේතුවෙන් පොළොන්නරුව කදුරුවෙල මඩකලපුව ප්‍රධාන මාර්ගය කඳුරුවෙල නගර මධ්‍යයෙන් අවහිර වූවා. මෙම ගින්නෙන් සිදුවූ හානිය පිළිබඳව තක්සේරු කර නොමැති අතර තුවාල ලැබූවන් පිළිබඳව මෙතෙක්ස් සඳහන් වී නැහැ.