ගලෙන්බිදුණුවැව – අක්කර විස්ස ප්‍රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක් පොලීසිය විසින් සොයාගෙන තිබෙනවා.
එම ප්ලාස්ටික් කැටයේ තිබී ටී 56 ගිනි අවි සඳහා භාවිත කරන පතුරම් 17 ක්, පිස්තෝල සඳහා භාවිත කරන පතුරම් 10ක් හා රිවෝලර් සඳහා භාවිත කරන පතුරම් 01 ක් සොයාගත් බවයි පොලීසිය සඳහන් කළේ.
ගලෙන්බිදුණුවැව ප්‍රදේශයේ පාසලක 06 වන වසරේ අධ්‍යාපනය ලබන දරුවකු විසින් පාසලට ටී 56 ගිනි අවි සඳහා භාවිත කරන පතුරොමක් ගෙනැවිත් තිබෙන දුටු පංතිභාර ගුරුවරයා ඒ සම්බන්ධයෙන් පාසලේ විදුහල්පතිවරයා දැනුවත් කිරීමට පියවර ගෙන තිබුණා.
එම අවස්ථාවේ දී නිවසේ සිට ඇත්තේ දරුවාගේ මව පමණයි.
විදුහල්පතිවරයා විසින් ඒ සම්බන්ධයෙන් ගලෙන්බිදුණුවැව පොලීසියට දැනුම් දී ඇති අතර එම දැනුම්දීම මත පොලිස් නිළධාරින් පිරිසක් දරුවාද කැටුව ඔහුගේ නිවසට ගොස් පරීක්ෂා කර ඇති බව සඳහන්.
එහිදී මෙම පතුරොම් තොගය මුදල් දමන ප්ලාස්ටික් කැටයක බහා අල්මාරියේ සඟවා තිබීයදි පොලීසිය විසින් සොයාගෙන තිබෙනවා.
එම පතොරොම් තොගය පොලිස් භාරයට ගැනීමට ද කටයුතු කර තිබුණා.
දරුවාගේ පියා ගම්පහ ප්‍රදේශයේ පෞද්ගලික ආයතනයක සේවය කරන පුද්ගලයෙකු බවයි පොලිසිය පැවසුවේ.
සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි.