ස්වාධීන අපේක්ෂක රනිල් වික්‍රමසිංහට සහයෝගය දක්වන බව පවසමින් සිටි පොදු ජන පෙරමුණේ මන්ත්‍රීවරුන් 25 දෙනෙක් යළි පොදු ජන පෙරමුණට එක් වී නාමල් රාජපක්ෂගේ දෑත් ශක්තිමත් කිරීමට තීරණය කර තිබෙනවා. මෙම පිරිස තව ස්වල්ප වෙලාවකින් කොළඹ දී විශේෂ මාධ්‍ය සාකච්ඡාවක් පැවැත්වීමට නියමිතව ඇත.
තමන්ට සහයෝගය දෙන අය ඍජුව ඒ බව දන්වා රැඳී සිටින ලෙසත් එසේ නොමැති අය වැනි වැනී නොසිට ඉවත්වන ලෙසත් ජනාධිපතිවරයා විසින් කළ දැනුම් දීමකට අනුව මේ 25 දෙනාගෙන් යුතු කණඩායම ජනාධිපතිවරයාට සහාය දැක්වීමෙන් ඉවත් වී ඇත.
මේ සම්බන්ධව තීන්දු ගැනීමේදී ඊයේ රාජ්‍ය ඇමතිවරුන් හතර දෙනෙක් ඔවුන් දැරූ ධූරවලින් ඉවත් කිරීමට ජනාධිපතිවරයා තීරණය කළ අතර තවත් කීප දෙනෙක් අමාත්‍ය ධූර වලින් ඉවත් කිරීමට ජනාධිපතිවරයා තීරණය කර ඇතැයි ද ඒ සම්බන්ධව ඉදිරි පැය කීපය තුළ දැනුම් දෙනු ඇතැයි ද අභ්‍යන්තර ආරංචි මාර්ග පවසයි.
මොහාන් ප්‍රියදර්ශන, ප්‍රේමලාල් ජයසේකර, ඉන්දික අනුරුද්ධ සහ සිරිපාල ගම්ලත් ජනාධිපතිවරයා විසින් ඊයේ රාජ්‍ය අමාත්‍ය ධූරවලින් වහාම ක්‍රියාත්මකවන පරිදි පහ කළේය.