ජෝර්ජියාවේ උසස් පාසලක වෙඩි තැබීමක් සිදුව තිබෙනවා.
ඉන් පුද්ගලයන් 4 දෙනෙකු මිය ගොස් 9 දෙනෙකු තුවාල ලබා ඇති අතර, වෙඩි තැබීම සිදු කළ 14 හැවිරිදි පිරිමි ළමයෙකු අත්අඩංගුවට ගෙන ඇති බවයි විදෙස් වාර්තා පවසන්නේ.
ජෝර්ජියාවේ බරෝ ප්‍රාන්තයේ වින්ඩර් හි ඇපලාචි උසස් පාසලේ (Apalachee High School) ඉගෙනුම ලැබූ මෙම සිසුවා සිදු කළ ප්‍රහාරයෙන් මිය ගොස් ඇත්තේ එහිම ඉගෙනුම ලබන සිසුන් දෙදෙනෙකු සහ ගුරුවරුන් දෙදෙනෙකුයි.
කෝල්ට් ග්‍රේ (Colt Gray) නම් මෙම සිසුවාව නිලධාරීන් දෙදෙනෙකු විසින් අත්අඩංගුවට ගෙන ඇති අතර ඔහුව වැඩිහිටියෙකු ලෙස සලකා මිනීමැරුම් චෝදනා එල්ල වනු ඇති බවයි විදෙස් මාධ්‍ය වාර්තා කරන්නේ.
කෙසේ වෙතත් මෙම වෙඩි තැබීම සිදුකළ සිසුවා සමග අමෙරිකානු FBI ආයතනය පසුගිය වසරේ ඔහු සමඟ සම්මුඛ සාකච්ඡාවක් පවත්වා තිබෙනවා.
ඒ එම සිසුවා පාසැලේ වෙඩි තැබීමක් සිදුකිරීමට ඇත්තේ අන්තර්ජාල තර්ජන පිළිබඳ නිර්නාමික ඉඟි ලැබීමෙන් පසුවයි.
නමුත් ඒ අවස්ථාවේ FBI නියෝජිතයන් ඔහුව අත්අඩංගුවට ගෙන නැහැ.