ජනාධිපතිවරණයට අදාළව නීති උල්ලංඝණය කළ පුද්ගලයින් 22 දෙනෙකු අත්අඩංගුවට ගෙන ඇති බව පොලීසිය පවසනවා.
ඒ අනුව ජුලි 26 වැනිදා සිට මේ දක්වා කාලය තුළ ලැබුණු පැමිණිලිවලට අදාළව මෙම අත්අඩංගුවට ගැනීම් සිදුකර ඇති බවයි සඳහන් වෙන්නේ.
මේ අතර ජනාධිපතිවරණයට අදාළව මේ වන විට පොලීසියට පැමිණිලි 163 ක් ලැබී තිබෙන බව පොලිස් මාධ්‍ය ප්‍රකාශක නියෝජ්‍ය පොලිස්පති නීතීඥ නිහාල් තල්දුව වැඩිදුරටත් සඳහන් කරනවා.
පසුගිය ජූලි 31 වැනිදා සිට සැප්තැම්බර් 03 වනදා දින දක්වා ලැබී ඇති මුළු මැතිවරණ පැමිණිලි සංඛ්‍යාව 2095 දක්වා ඉහළ ගොස් ඇති බවයි එම කොමිෂන් සභාව සඳහන් කරන්නේ.
ඒ අනුව මැතිවරණ නීති උල්ලංඝණය කිරීම සම්බන්ධයෙන් පැමිණිලි 2023 ක්, ප්‍රචණ්ඩ ක්‍රියා සම්බන්ධ පැමිණිලි 11 ක් හා වෙනත් පැමිණිලි 60 ක් ද ලැබී ඇති බවයි සඳහන් වෙන්නේ.
එම පැමිණිලි අතරින් පැමිණිලි විසඳීම් 1400 ක් සිදුකර ඇති අතර මේ වන විට ක්‍රියා කරමින් පවතින පැමිණිලි සංඛ්‍යාව 695 ක් බවයි වැඩිදුරටත් එම වාර්තාවේ දැක්වෙන්නේ.