2024 ජනාධිපතිවරණයට අදාල තැපැල් ඡන්ද විමසීම අද ආරම්භ වනවා.
මෙවර ජනාධිපතිවරණය සඳහා තැපැල් ඡන්දදායකයින් 712, 319 දෙනෙකු සුදුසුකම් ලබා සිටින අතර වැඩිම තැපැල් ඡන්ද දායකයින් සංඛ්‍යාවක් වන 76,977 දෙනෙකු කුරුණෑගල දිස්ත්‍රික්කයෙන් සුදුසුකම් ලබා සිටී.
ඒ අනුව දිස්ත්‍රික් ලේකම් කාර්යාල, මැතිවරණ කොමිෂන් සභාවට අයත් කාර්යාලවල නිලධාරීන් හා නියෝජ්‍ය පොලිස්පති, පොලිස් අධිකාරි, පොලිස් ස්ථානවල නිලධාරීන්, විශේෂ කාර්ය බළකාය, විශේෂ පොලිස් ඒකක හා ප්‍රභූ ආරක්‍ෂක කොට්ඨාස නිලධාරීන්ට තම ආයතනයේදී අද හෙට සහ අනිද්දා යන දින වලදී තැපැල් ඡන්ද සලකුණු කිරීමට අවස්ථාව සැලසේ.
මෙම දින තුනෙහි තැපැල් ඡන්ද පාවිච්චි කිරීමට නොහැකි වන තැපැල් ඡන්ද හිමියන්ට මෙම මස 11සහ 12 යන දෙදින තම සේවා ස්ථානය පිහිටි දිස්ත්‍රික්කයේ දිස්ත්‍රික් මැතිවරණ කාර්යාල වලදී ඡන්දය සලකුණු කළ හැකි බව මැතිවරණ කොමිෂන් සභාව පවසයි.