ගුවන් තොටුපොළ පොලිස් මත්ද්‍රව්‍ය නාශක අංශයේ නිලධාරීන් පිරිසක් විසින් සිදු කළ වැටලීමකදී විදේශීය දුම්වැටි තොගයක් නීතිවිරෝධී ලෙස මෙරටට රැගෙන විත්, කටුනායක ගුවන් තොටුපොළෙන් පිට කර ගෙන යාමට තැත් කළ ගුවන් මගියෙකු අත්අඩංගුවට ගෙන තිබෙනවා.
වටිනාකම රුපියල් ලක්ෂ තිස් තුනක් පමණ වන දුම්වැටි 22,000ක් අඩංගු දුම්වැටි කාටූන් 110ක ප්‍රමාණයක් සැකකරු එලෙස සිය ගමන් මලු තුළ සඟවා ගෙන රැගෙනවිත් ඇති බවයි වාර්තා වන්නේ.
අත්අඩංගුවට ගත් සැකකරු මීගමුව, කොච්චිකඩේ ප්‍රදේශයේ පදිංචි 47 හැවිරිදි පුද්ගලයෙක්.
ඔහු මීගමුව මහේස්ත්‍රාත් අධිකරණය වෙත ඉදිරිපත් කිරීමට නියමිත බවයි වාර්තා වන්නේ.