ජනාධිපති රනිල් වික්‍රමසිංහ වෘත්තීයවේදීන්ගේ සංසදය විසින් කොළඹදී ඊයේ සංවිධාන කළ “ඕනෑම දෙයක් මගෙන් අසන්න” විශේෂ වැඩසටහනට එක් වෙමින් විදේශ ගමන් බලපත්‍ර නිකුත් කිරීමේ ප්‍රමාදය සම්බන්ධයෙන් පවතින ගැටලු පිළිබඳව සමාව අයැද තිබෙනවා.
එම තත්ත්වය නිවැරදි කිරීමට රජය දැඩි කැපවීමෙන් කටයුතු කරන බවට ජනාධිපතිවරයා ජනතාවට සහතික වූ බව ජනාධිපති මාධ්‍ය අංශය පවසයි.
මහජනතාව මේ සම්බන්ධයෙන් දුෂ්කරතා රැසකට මුහුණ දෙන බව ජනාධිපතිවරයා පිළිගෙන තිබේ. කෙසේවෙතත් විදේශ ගමන් බලපත්‍ර ක්‍රමය ඩිජිටල්කරණය කිරීමට රජය කැපවී සිටින බව ද ජනාධිපතිවරයා සඳහන් කර ඇත.
ජනාධිපති රනිල් වික්‍රමසිංහ මේ අදහස් පළ කළේ වෘත්තීයවේදීන්ගේ සංසදය විසින් කොළඹදී ඊයේ සංවිධාන කළ “ඕනෑම දෙයක් මගෙන් අසන්න” විශේෂ වැඩසටහන අමතමිනි.