බදුල්ලේ පාසල් වලට ලබන 13වන දින සිට නිවාඩු ලබා දෙන බව ඌව පලාත් අධ්‍යාපන අමාත්‍යාංශයේ ලේකම් ගාමිණි මහින්දපාල ජෝපියස් අද (4) සඳහන් කළා.
ඒ, 2024 ජනාධිපතිවරණය නිමිත්තෙන්.
ජනාධිපතිවරණයේ බදුල්ල දිස්ත්‍රික්කයේ ජන්ද ගණන් කිරීමේ මධ්‍යස්ථාන සදහා තෝරා ගත් බදුල්ල මාධ්‍ය මහ විදුහල, සහ බදුල්ල විශාඛා උසස් බාලිකා විදුහලට මේ මස 13 සිට 24 දින දක්වාත්, ජනාධිපතිවරණයේ මැතිවරණ රාජකාරි කටයුතු සදහා පැමිණෙන පොලිස් නිලධාරීන්ට සහ අනෙකුන් නිලධාරීන්ට නවාතැන් පහසුකම් ලබා දීම සදහා තෝරා ගත් බදුල්ල විහාරමහාදේවී බාලිකා විදුහල සහ බදුල්ල ඌව මහ විදුහල සදහා 19, 20 දෙදින නිවාඩු ලබා දෙන අතර, ජනාධිපතිවරණය සදහා ජන්ද මධ්‍යස්ථාන ලෙස තෝරා ගත් දිස්ත්‍රික්කයේ සෙසු පාසල් සදහා 20 වනදින නිවාඩු ලබා දෙන බවද ඔහු ප්‍රකාශ කළා.
ඒ, අනුව අධ්‍යාපන අමාත්‍යාංශයේ ලේකම් වැඩිදුරටත් කියා සිටියේ, බදුල්ල මාධ්‍ය මහ විදුහල සහ බදුල්ල විශාඛා උසස් බාලිකා විදුහල හැර දිස්ත්‍රික්කයේ සෙසු පාසල් ලබන 23 වන දින යලි ආරම්භ කිරීමට නියමිතව ඇති බවත්, බදුල්ල මධ්‍ය මහ විදුහල සහ විශාඛා උසස් බාලිකා විදුහල ලබන 24 වන දින ආරම්භ කිරීමට නියමිත බවයි.