ජනාධිපතිවරණයට අදාළ ස්ටිකර් සහ පෝස්ටර් වාහනවල ප්‍රදර්ශනය කිරීම නීතිවිරෝධී බව පොලීසිය පවසනවා.
ඒ අනූව සියලූම වාහන හා ත්‍රීරෝද රථවල අලවා ඇති පක්ෂ, කණ්ඩායම් සහ අපේක්ෂක ප්‍රවර්ධන ස්ටිකර්, ඡායාරූප ඉවත් කිරීමට මැතිවරණ කොමිෂන් සභාව විසින් පොලීසියට උපදෙස් දී තිබෙනවා.
මේ තීරණය ගෙන ඇත්තේ මැතිවරණ නීතිරීතිවලට අනුකූල නොවන අන්දමින් පෞද්ගලික බස් රථ, ත්‍රීරෝ රථ ඇතුළු පෞද්ගලික වාහනවල අපේක්ෂකයන්, පක්ෂ ප්‍රවර්ධන වන ආකාරයේ වැකි, සලකුණු සහ ඡායාරූප ඇතුළත් ස්ටිකර් හා බැනර් ප්‍රදර්ශනය කිරීම පිළිබඳව මැතිවරණ කොමිෂන් සභාව වෙත පැමිණිලි සැලකිල්ලට අරගෙනය.
එවැනි වාහනවල ඇති පෝස්ටර් සහ ස්ටිකර් ගලවා ඉවත් කිරීමට පොලීසියට උපදෙස් ලැබී ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව පැවසුවේය.