ශ්‍රී ලංකා නිදහස් පක්ෂයේ 73 වන සංවත්සරය අදට (02)යෙදී තිබෙනවා.
“දිනුම රටට – එක්ව පෙරට” යන තේමාව මුල්කර ගනිමින් සංවත්සරය උත්සවක් පැවැත්වීමට නියමිතයි. ඒ අද සවස 1.00ට ශ්‍රී ජයවර්ධනපුර කෝට්ටේ මොනාර්ච් ඉම්පීරියල් හෝටල් පරිශ්‍රයේ පැවැත්වීමට කටයුතු සූදානම් කර ඇති බව සඳහන්.
එස්.ඩබ්ලිව්.ආර්.ඩී. බණ්ඩාරනායකගේ මූලිකත්වයෙන් 1951 වසරේ අද වැනි දිනක පිහිට වූ ශ්‍රී ලංකා නිදහස් පක්ෂය සැලකෙන්නේ මැද මාවතේ දේශපාලන පක්ෂයක් ලෙසයි.
පක්ෂ සභාපති නිමල් සිරිපාල ද සිල්වාගේ ප්‍රධානත්වයෙන් පැවැත්වෙන මෙම උත්සවයට ජනාධිපති රනිල් වික්‍රමසිංහට ද ආරාධනා කර තිබෙනවා.