පවතින අධික වර්ෂාව හේතුවෙන් ඉන්දියාවේ ගංවතුර තත්වයක් උද්ගත වී තිබෙනවා.
ඒ හේතුවෙන් මිය ගිය සංඛ්‍යාව 27 දක්වා ඉහළ ගොස් ඇති බව විදෙස් මාධ්‍ය වාර්තා කරනවා. ඉන් මරණ 15ක් තෙලංගනා ප්‍රදේශයෙන් වාර්තා උනා.
වර්ෂාවත් සමග එම ප්‍රාන්ත වල ගංගා පිටාර ගලා යාම හේතුවෙන් ගමනාගමනයට ද දැඩි බාධා එල්ල වී තිබෙනවා. ඒ හේතුවෙන් දුම්රිය ගමන්වාර ද සිය ගණනක් නවතා දමා ඇති බවයි සඳහන් වන්නේ.
මේ අතර එරට වැසියන් දහස් ගණනක් ආරක්ෂිත ස්ථාන කරා යැවූ බවයි විදෙස් මාධ්‍ය අවධාරණය කරන්නේ.