ජනාධිපතිවරණයට අදාළ තැපැල් ඡන්ද විමසීම ලබන බදාදා (04) ආරම්භ වීමට නියමිතයි. ඒ සඳහා ඡන්දදායකයන් හත්ලක්‍ෂ දොළොස් දහස් තුන්සිය දහනව දෙනකු (7123319) සුදුසුකම් ලබා තිබෙනවා.
දිස්ත්‍රික් ලේකම් කාර්යාල, මැතිවරණ කොමිෂන් සභාවේ කාර්යාල නිලධාරීන් 4 වැනිදා තැපැල් ඡන්ද සලකුණු කිරීමට නියමිතයි. එමෙන්ම පොලිස් ස්ථාන, ත්‍රිවිධ හමුදා කඳවුරු, විශේෂ කාර්ය බළකාය හා සෙසු රාජ්‍ය ආයතන සේවකයන් 5 හා 6 දිනවලදී තැපැල් ඡන්ද සලකුණු කරනු ඇත.
මේ අතර ඉහත දින තුනේදීම ඡන්ද සලකුණු කිරීමට නොහැකි වන ඡන්දදායකයන්ට 11 හා 12 දිනවලදී තමන් සේවය කරන රාජ්‍ය ආයතනයට අයත් දිස්ත්‍රික් මැතිවරණ කාර්යාලවලදී තැපැල් ඡන්ද ප්‍රකාශ කිරීමට අවස්ථාව සලසා ඇත.
ඡන්ද මධ්‍යස්ථාන පනහකට අධික ප්‍රමාණයකදී මෙම තැපැල් ඡන්ද විමසීම සිදුකෙරේ.