කොළඹ – ගාල්ල ප්‍රධාන මාර්ගයේ ගමන් ගන්නා රියදුරන්ට විශේෂ පණිවිඩයක් !

ඓතිහාසික සීනිගම ශ්‍රී මහා දෙවොල් දේවාලයේ වාර්ෂික පෙරහැර අද ( 31 ) සිට සැප්තැම්බර්  03 වන දින දක්වා එම දේවාලය ආසන්නව ගාල්ල – කොළඹ ප්‍රධාන මාර්ගයේ සංචාරය කරන බැවින් පෙරහැර පැවැත්වෙන කාලය තුළ මාර්ගය ආශ්‍රිතව වාහන ගමනාගමනය සීමා කරන බව පොලීසිය මහජනතාවට දැනුම් දෙනවා.

පෙරහැර ගමන් ගනා කාල සීමාව මෙසේයි.

31 සෙනසුරාදා – දහවල් 01.00 සිට රාත්‍රී 08.00 දක්වා

01 ඉරිදා – දහවල් 01.00 සිට රාත්‍රී 08.00 ට දක්වා

02 සඳුදා – සවස 06.00 සිට 03 දා  අළුයම 04.00 දක්වා

03 අඟහරුවාදා – 03 දා  සවස 06.00 සිට පසුදා  අළුයම 04.00 දක්වා

එම කාල සීමා තුළ  ගාල්ල දෙස සිට කොළඹ දෙසට ධාවනය කරන වාහන එක් මං තීරුවක ගමන් කරවීමටත්  කොළඹ දෙස සිට ගාල්ල දෙසට ගමන් ගන්නා වාහන (බර වාහන හැර)  විකල්ප මාර්ගයක් ලෙස  මීටියාගොඩ පොලිස් වසමේ කහව හන්දියෙන් හරවා මීටියාගොඩ, කිරලගහවෙල හන්දියෙන් වමට හරවා අලුත්වල, සරණ හන්දිය, ගෝනාපීනුවල හතර මං හන්දිය හරහා කුමාර කන්ද හන්දිය ඔස්සේ ගාලු පාරට ගමන් කර ගාල්ල දෙසට ගමන් කරවීමටත්  කටයුතු යොදා ඇතැයි පොලීසිය දැනුම් දෙනවා.