හිටපු සෞඛ්‍ය අමාත්‍ය කෙහෙළිය රඹුක්වැල්ල පූර්ණ ආබාධිත තත්ත්වයට හෝ අංගවිකල තත්ත්වයට පත්වීමේ දැඩි අවදානමක් ඇතැයි ජනාධිපති නීතිඥ අනුජ ප්‍රේමරත්න මාලිගාකන්ද මහේස්ත්‍රාත් අධිකරණයට දැනුම් දී තිබෙනවා.
ප්‍රමිතියෙන් තොර ප්‍රතිදේහ එන්නත් මෙරට රෝහල් පද්ධතිය තුළ බෙදාහැරීමේ සිද්ධිය සම්බන්ධයෙන් වන නඩුව, මාළිගාකන්ද මහේස්ත්‍රාත් අධිකරණය හමුවේ කැඳවූ අවස්ථාවේදී මෙම දැනුම්දීම සිදුකර ඇති බවයි සඳහන් වෙන්නේ.
යම් හෙයකින් කෙහෙළිය රඹුක්වැල්ල මහතා පූර්ණ ආබාධිත තත්ත්වයට පත්වුවහොත්, සිය සේවාදායකයාට ඇප ලබාදුන්න ද එහි ප්‍රතිඵලයක් නොමැති බවයි ජනාධිපති නීතිඥවරයා එහිදී සඳහන් කර ඇත්තේ.
එවැනි තත්ත්වයකදී රජයේ රෝහලකින් ප්‍රතිකාර ලබා කෙහෙළිය රඹුක්වැල්ලට සුවයක් බලාපොරොත්තු විය නොහැකි බැවින් සුදුසු ඇපයක් මත ඔහු මුදා හරින්නැයි ජනාධිපති නිතීඥවරයා අධිකරණයෙන් ඉල්ලා සිට තිබෙනවා.
ඊට විරුද්ධත්වය දැක්වූ පැමිණිල්ල වෙනුවෙන් පෙනී සිටි නියෝජ්‍ය සොලිසිටර් ජනරාල් ලක්මිණි ගිරිහාගම මෙනවිය සඳහන් කළේ, පූර්ණ වෛද්‍ය මණ්ඩලයක් වෙත යොමු කර වාර්තා කැඳවා, එය සැළකිල්ලට ගැනීමෙන් පසුව සැකකාර කෙහෙළිය රඹුක්වැල්ලට ඇප ලබා දීම පිළිබඳව සළකා බැලිය හැකි බවයි.
එම කරුණු සලකා බැලූ මහේස්ත්‍රාත්වරිය, කෙහෙළිය රඹුක්වැල්ල පූර්ණ වෛද්‍ය මණ්ඩලයක් වෙත යොමු කර කඩිනම් වාර්තාවක් කැඳවන ලෙස නියෝග කර තිබෙනවා.
ඔය දිධ්ට දම්ම. ඇප දුන්නත්. පඩිසන් දෙන එකේ ඔහොම ඉන්න අරින්න.. ගෙවලම ඉවර කරන්න දෙන්න ..
මිනිසුන්ට හොර බෙහෙත් ලබාදීමේ ප්‍රතිඵලයක් තමයි ,ඔහුගේ නීතිඥවරයා දොස්තර විභාගයක් පාස් කරල තියෙනවද ඔහු ආබාධිත වෙනවා කියලා කියන්න, නීතිඥවරියට ගරු කරනවා සුදුසු තීරණයක් ගැනීම ගැන , 🙏🙏🙏