මැතිවරණ කාල සීමාවක් ප්‍රකාශයට පත් කර ඇති කාල වකවානුවක සමාජ මාධ්‍ය භාවිතා කරමින් ජනාධිපතිවරණයට අදාළ මැතිවරණ රෙගුලාසි උල්ලල්ංඝනය කරන අන්තර්ගතයන් පිළිබඳව මැතිවරණ කොමිසම අදහස් දක්වා තිබුණා.
එවන් අන්තර්ගතයන් සමාජ මාධ්‍ය තුළින් ඉවත් කරනා බවට Facebook, YouTube, Instagram සහ Twitter ආයතන සහතික කර ඇති බවට එම කොමිසම දන්වා තිබූ බවට සන්ඩේ ටයිම්ස් පුවත්පත වාර්තා කර තිබුණා.
එවන් අන්තර්ගතයන් සමාජ මාධ්‍ය වේදිකාව වල පවතින බවට මැතිවරණ කොමිසම විසින් දන්වා සිටි අවස්ථාවේ සිට පැයක් ඇතුළත ඒවා ඉවත් කරනා බවටයි එම සමාගම් නියෝජිතයින් මැතිවරණ කොමිසමට සහතික වී ඇත්තේ.
මීට අමතරව දිගින් දිගටම මෙම මඩ ප්‍රචාර සමාජ මාධ්‍ය හරහා මුදා හරින පුද්ගලයන්ගේ ගිණුම් මැතිවරණ කාලය සඳහා අක්‍රීය කරවීමට ද හැකියාව පවතින බවට මැතිවරණ කොමිසමේ සභාපතිවරයා පවසා සිටියා.
අදාළ ආයතන වලින් සමාජ මාධ්‍ය නිරීක්ෂණය කිරීමේ හැකියාවද මැතිවරණ කොමිසම සතු වනවා.