දකුණු කොරියාවේ ධීවර අංශයේ රැකියා සඳහා මෙරට කාන්තාවන්ටත් මේ වන විට අවස්ථාව හිමි වී ඇති බව නිවේදනයක් නිකුත් කරමින් ශ්‍රී ලංකා විදේශ සේවා නියුක්ති කාර්යංශය පවසනවා.
දකුණු කොරියානු රජය හා ශ්‍රී ලංකා රජය අතර ඇති කරගත් අවබෝධතා ගිවිසුමට අනුව මෙම රැකියා අවස්ථාව ශ්‍රී ලංකාවට හිමිව ඇති අතර ශ්‍රී ලංකා විදේශ සේවා නියුක්ති කාර්යාංශය විසින් මෙම වැඩසටහන ක්‍රියාත්මක කරනු ලබනවා.
ධීවර අංශයේ රැකියා සඳහා අවස්ථාව හිමිවූ කාන්තාවන් තිදෙනෙකු ඇතුළු 120 දෙනෙකුගෙන් සමන්විත කණ්ඩායමක් කොරියාව බලා පිටත්ව ගොස් සිටින බවයි එම නිවේදනයේ වැඩිදුරටත් දක්වා ඇත්තේ.
.