රුපියල් 20,000 ක මුදලක් බැගින් දුප්පත් පවුල් සඳහා මාසයකට ලබාදීම මගින් දුප්පත්කම තුරන් කිරීමට කටයුතු කරන බව සමගි ජන බලවේගයේ ජනාධිපති අපේක්ෂක විපක්ෂ නායක සජිත් ප්‍රේමදාස පවසනවා.
ඒ අනුව මාස 24 ක් තුළ දුප්පත් කම තුරන් කිරීමේ ජාතික වැඩසටහන ක්‍රියාත්මක කරන බවයි සේරුවාවිල ප්‍රදේශයේ අද (26) පැවති ජන රැළියක් අමතමින් විපක්ෂ නායකවරයා සඳහන් කළේ.
පරිභෝජනය, ආයෝජනය, ඉතිරිය, නිෂ්පාදනය හා අපනයනය යන අංශ 5 කේන්ද්‍ර කර ගනිමින් දුප්පත් ජනතාව දුප්පත් කමින් මුදාගැනීමට කටයුතු කරන බවද ඔහු වැඩිදුරටත් සඳහන් කළා.