ගලෙන්බිඳුණුවැව ප්‍රදේශයේ වයස අවුරුදු 15 සිසුවෙකු දිය නාමින් සිටියදී විදුලිසැර වැදී මිය ගොස් තිබෙනවා.
නිවසේ දිය නෑමට සකසා තිබූ වතුර කරාමකකින් දිය නාමින් සිටියදී අසල තිබූ ජල මෝටරයක වයරයක් ගැලවී සිසුවාගේ සිරුරේ වැදීමෙන් මෙම අනතුර සිදු වී තිබෙනවා.
දිවි අහිමි වූ සිසුවා ගලෙන්බිඳුණුවැව ජාතික පාසලේ ඉගනුම ලබන උල්පත්ගම වැලෑනේගම ප්‍රදේශයේ පදිංචිව සිට තිබෙනවා.
මේ පිළිබඳව ගලෙන්බිඳුණුවැව පොලිසිය වැඩිදුර විමර්ශන සිදු කරනවා.