ජාතික ජන බලවේගයේ මහනුවර දිස්ත්‍රික් විධායක සභික හා ගම්පොළ ආසන සංවිධායක අනූෂ විමලවීර ඉදිරි ජනාධිපතිවරණයේදී ජනපති රනිල් වික්‍රමසිංහ ට සහාය දැක්වීමට තීරණය කර තිබෙනවා.
ඔහු අනුරාධ ජයරත්න විසින් රනිල් වික්‍රමසිංහට සහාය දැක්වීමේ අරමුණින් කැඳවා තිබූ ශ්‍රී ලංකා පොදු ජන පෙරමුණේ ගම්පොළ ආසන බලමණ්ඩල රැස්වීමට ද සහභාගි වී ඇත.
එහිදී අනූෂ විමලවීර අදහස් දක්වමින් පවසා ඇත්තේ, ජාතික ජන බලවේගයට රට ගොඩනැඟීම සඳහා කිසිදු වැඩපිළිවෙළක් නොමැති බැවින් තමන් මෙම තීරණය ගත් බවයි.
අධිකරණ හා බන්ධනාගාර රාජ්‍ය ඇමැති නීතිඥ අනුරාධ ජයරත්න හා ගම්පොළ එක්සත් ජාතික පක්ෂ ප්‍රධාන සංවිධායක සමන්ත අරුණ කුමාර හමු වී අනූෂ විමලවීර මේ බව දැනුම් දී ඇති බවයි වාර්තා වන්නේ.