ස්වාධීන අපේක්ෂකයෙකු ලෙස ජනාධිපතිවරණයට ඉදිරිපත් වී සිටින ජනාධිපති රනිල් වික්රමසිංහ මහතාගේ ඡන්ද ලකුණ ලෙස ගෑස් සිලින්ඩරය ලබා දීම සම්බන්ධයෙන් කිසිදු ගැටලුවක් මතුවී නොමැති බව මැතිවරණ කොමිෂන් සභාව පවසනවා.
වෙනත් ගැසට් පත්රයකින් නිකුත් කළ පළාත් පාලන ආයතන සඳහා වන මැතිවරණයට අදාළ ඡන්ද ලකුණුවල ද ‘ගෑස් සිලින්ඩරය’ තිබීම ඇතැම් පිරිස් ගැටලුවක් කරගෙන ඇති බවයි, මැතිවරණ කොමිෂන් සභාව අවධාරණය කළේ.
කෙසේ වෙතත් අදාළ ඡන්ද ලකුණු ගැසට් පත්ර දෙකකින් ප්රකාශයට පත් කර තිබීම හේතුවෙන් කිසිදු නීතිමය ගැටලුවක් නොමැති බව ද එම සභාවේ සභාපති ආර්. එම්. එල්. රත්නායක මහතා පවසනවා.
පළාත් පාලන ආයතන ඡන්ද විමසීමට අදාළව ස්වාධීන කණ්ඩායමක් ගෑස් සිලින්ඩරය සිය ඡන්ද ලකුණු ලෙස තෝරාගෙන තිබුණා.
එවැනි පසුබිමක ජනාධිපති රනිල් වික්රමසිංහ මහතාට එම ලකුණ ලබා දීම ගැටලුකාරී තත්ත්වයක් බවටයි ඇතැම් පාර්ශ්ව චෝදනා කළේ.
ජනාධිපතිවරණ ඡන්ද ලකුණු සම්බන්ධයෙන් ගැසට් පත්රයක් නිකුත් කළ අතර එය කොටස් දෙකකින් සමන්විත වනවා. එහි පළමු කොටසේ පිළිගත් දේශපාලන පක්ෂවල ලකුණු දක්වා ඇති අතර දෙවන කොටසේ දක්වා ඇති ඡන්ද ලකුණු වෙනත් දේශපාලන පක්ෂ සහ ස්වාධීන අපේක්ෂකයන්ට ලබා ගත හැකි බවයි මැතිවරණ කොමිසමේ සභාපති ආර්. එම්. එල්. රත්නායක මහතා පෙන්වා දෙන්නේ.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්රදේශවල…
අධ්යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්රේණිය ශිෂ්යත්ව විභාග සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්රී ලංකා කණ්ඩායම අතර ගාල්ල ජාත්යන්තර ක්රිකට් ක්රීඩාංගණයේ දී පැවැත්වෙන පළමු…
පොළොන්නරුව බකමූණ ප්රදේශයේ ප්රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්ය වූ එහි සේවක සේවිකාවන්…
හිටපු සෞඛ්ය අමාත්යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…