ඊයේ (19) දිනයේ මාධ්‍ය හමුවකට එක් වෙමින් පැෆ්රල් සංවිධානයේ විධායක අධ්‍යක්ෂක රෝහණ හෙට්ටිආරච්චි මහතා විසින් ජනාධිපති අපේක්ෂකයන් 6 දෙනෙකුට විවාදයකට ආරාධනා කරන බව සඳහන් කලා.
ඒ සඳහා ජනාධිපති අපේක්ෂක රනිල් වික්‍රමසිංහ, සජිත් ප්‍රේමදාස, අනුර කුමාර දිසානායක, නාමල් රාජපක්ෂ, දිලිත් ජයවීර, පී ආරියනේත්‍රන් යන පුද්ගලයන්ට් දෙනාට මෙම විවාදය සඳහා ආරාධනා කල බව ත් ඔවුන්ගෙන් දෙදෙනෙකු ඒ වන විටත් පැමිණීම තහවුරු කල බවත් එම මහතා වැඩිදුරටත් පවසා සිටියා.
මෙම විවාදය සඳහා අපේක්ෂකයන් 6 දෙනෙකු පමණක් තෝරා ගැනීම සහ එම අපේක්ෂකයන් තොරා ගැනීමට ඇති පදනම පිළිබඳ විමසමින් ජාතික ප්‍රජානත්‍රවාදී පෙරමුණේ මහලේකම්වරයා මැතිවරණ කොමිසන් සභාවට පැමිණිල්ලක් ඉදිරිපත් කර තිබෙනවා.
එහි වැඩිදුරටත් සඳහන්ව ඇත්තේ ප්‍රධාන මැතිවරණ නිරීක්ෂණ සංවිධානයක් ලෙස පැෆ්රල් සංවිධානය පක්ෂග්‍රාහිව කටයුතු කර ඇති බවත් අපේක්ෂකයන් 39ක් අතරින් 6 දෙනෙකු පමණක් තෝරා ගැනීමේ පදනම පිලිබඳව කරුණු දක්වන ලෙසයි.
අදාළ විවාදය ලබන මස එනම්, සැප්තැම්බර් 07 දින පැවැත්වීමට නියමිතව තිබුණා.