ශ්‍රී ලංකාවේ විශාලතම සම්බන්ධතා සපයන්නා වන Dialog Axiata PLC විසින් බලගන්වන ලද Sri Lanka Sports Fiesta 2024 ඉතා සාර්ථක ලෙස පසුගිය දා (18) කොළඹ තුරඟ තරග පිටියේදී උත්කර්ෂවත් ලෙස පැවැත්වුණි.. ක්‍රීඩා හා යෞවන කටයුතු අමාත්‍යාංශය, සංචාරක හා ඉඩම් අමාත්‍යාංශය සමඟ එක්ව මෙහි තෙදින ඉසව්ව සංවිධානය කරනු ලැබී ය. මීළඟ පරම්පරාවේ ක්‍රීඩක ක්‍රීඩිකාවන්ට දිරිමත් කරමින් වේදිකාවක් ලබාදීමේ අරමුණින් Sri Lanka Sports Fiesta 2024 සංවිධානය කර තිබේ.
ශ්‍රී ලංකා ගුවන් හමුදාව, ශ්‍රී ලංකා පැසිපන්දු සම්මේලනය, ශ්‍රී ලංකා හොකී සම්මේලනය, ශ්‍රී ලංකා පාපන්දු සම්මේලනය, ශ්‍රී ලංකා රග්බි සංගමය, ශ්‍රී ලංකා වොලිබෝල් සම්මේලනය සහ ශ්‍රී ලංකා ක්‍රිකට් ඇතුළු සැලකිය යුතු ක්‍රීඩා සංවිධාන කිහිපයක් මෙම අවස්ථාවට එක්ව සිටියහ. IPG Group, Emerging Media, සහ Triad වැනි ප්‍රධාන හවුල්කරුවන් මෙන්ම Prima, Elephant House, Cinnamon Hotels, American Water, Frosty, 100 Plus, සහ LYCA වැනි සම අනුග්‍රාහකයන්ගේ සහාය ඇතිව, උත්සවය අති සාර්ථක අන්දමින් නිමාවට පත්විය.
ත්‍යාග ප්‍රදානෝත්සවය, සංචාරක, ඉඩම්, ක්‍රීඩා සහ යෞවන කටයුතු පිළිබඳ ජනාධිපති උපදේශක ගරු හරීන් ප්‍රනාන්දු සහ ගුවන් හමුදාපති එයාර් මාර්ෂල් උදේනි රාජපක්ෂ යන මහත්වරුන්ගේ ප්‍රධානත්වයෙන් සිදුවිය. මෙම අවස්ථාවට ක්‍රීඩා හා යෞවන කටයුතු අමාත්‍යාංශයේ ලේකම් කනපතිපිල්ලේ මහේසන් මහතා, ක්‍රීඩා හා යෞවන කටයුතු අධ්‍යක්ෂ ජනරාල් මහාචාර්ය රියර් අද්මිරාල් ශාමල් ප්‍රනාන්දු, මාණ්ඩලික ප්‍රධානී එයාර් වයිස් මාර්ෂල් සම්පත් වික්‍රමරත්න, නියෝජ්‍ය මාණ්ඩලික ප්‍රධානී, එයාර් වයිස් මාර්ෂල් මුදිත මහවත්තගේ මහතා, ගුවන් හමුදා කළමනාකරණ මණ්ඩලයේ සාමාජිකයින්, සෙසු පාර්ශ්වකරුවන් සහ ක්‍රීඩා ලෝලීන් රග්බි අවසන් මහා තරගය සහ ත්‍යාග ප්‍රදානය නැරඹීමට එක්විය.
ක්‍රිකට්, රග්බි, පාපන්දු, වොලිබෝල්, නෙට්බෝල්, හොකී සහ පැසිපන්දු යන ප්‍රධාන ක්‍රීඩා හතක් සඳහා තරඟ කරමින් 3,000 කට වැඩි ක්‍රීඩක ක්‍රීඩිකාවන් පිරිසක් ෆියෙස්ටා සඳහා සහභාගී විය.
ගුවන් හමුදාපති කුසලාන රග්බි තරගාවලිය මෙහි පැවති එක් ප්‍රධාන ආකර්ෂණීය තරඟාවලියක් විය. පිරිමි, කාන්තා, ත්‍රාසජනක තරග ඉසව්ව සඳහා පිරිමි සමාජ 12ක්, කාන්තා කණ්ඩායම් හතරක් සහ පාසල් දාහතරක් තරග වැදීම ද සිදුවිය.
කොළඹ 07, ශ්‍රී ලංකා ගුවන් හමුදා ගෘහස්ථ ක්‍රීඩාංගණයේ දී, ඩයලොග් ජනාධිපති රන් කුසලාන වොලිබෝල් 2024 තරඟාවලියේ ජයග්‍රහණය රදාවාන ගෝල්ඩන් බර්ඩ්ස් ක්‍රීඩා සමාජය සහ MAS ක්‍රීඩා සමාජය විසින් දිනා ගන්නා ලදී.
තර්ස්ටන් විද්‍යාලය සහ බ්ලූම්ෆීල්ඩ් පිටියේ පැවති T10 ක්‍රිකට් තරඟාවලිය අයහපත් කාලගුණය මධ්‍යයේ වුවද බොහෝ දෙනෙකුගේ අවධානයට ලක්වූ අතර එහි ජයග්‍රහණය දුනිත් වෙල්ලාලගේගේ නායකත්වයෙන් යුත් ගාල්ල කණ්ඩායමට හිමිවිය.
ශ්‍රී ලංකා පැසිපන්දු සංගමයේ 3×3 පිටියේ සත්කාරකත්වය දරන ලද 2024 3×3 පැසිපන්දු ශූරතාවලියේදී පිරිමි කණ්ඩායම් 24ක් සහ කාන්තා කණ්ඩායම් දහයක් තියුණු ලෙස තරග කළහ. 2024 දී තුරඟ තරග පිටියේ විදුලි පහන් මධ්‍යයේ පැවති සිත් ඇදගන්නාසුළු 5-ඒ-පාර්ශ්වීය කුඩා පාපන්දු තරඟාවලිය සඳහා ජ්‍යෙෂ්ඨ සහ කනිෂ්ඨ කණ්ඩායම් 12ක් තරඟ වැදුණි.
දැල්පන්දු ක්‍රීඩාවේදී මලියදේව බාලිකා විද්‍යාලය තවත් කණ්ඩායම් 20ක් පරදවා 2024 යොවුන් දැල්පන්දු ශූරතාව දිනා ගැනීමට ටොරින්ටන් පිටියේදී සමත් විය. අයහපත් කාලගුණය මධ්‍යයේ වුවද 2024 ජනාධිපති රන් කුසලාන හොකී තරගාවලිය සඳහා ජ්‍යෙෂ්ඨ සහ වයස අවුරුදු 20න් පහළ කණ්ඩායම් 33ක් කොළඹ 07 Astro Turf හිදී තරග කළහ.