මැතිවරණය අවසන් වන තුරු සංගීත ප්‍රසංග තහනම් !

ජනාධිපතිවරණය ප්‍රකාශයට පත් කර තිබීම හේතුවෙන් සංගීත ප්‍රසංග පැවැත්වීමට මැතිවරණය අවසන් වනතුරු පොලිසිය අවසර ලබා දී නැති බවට තොරතුරු වාර්තා වනවා.

ශ්‍රී ලංකා ප්‍රසංග සැණකෙළි සංවිධායකවරුන් සහ සම්බන්ධීකාරකවරුන්ගේ ඒකාබද්ධ සංගමයේ සභාපති දිනේෂ් ආතාවුද මහතා කොළඹ පැවැති මාධ්‍ය හමුවකට එක්වෙමින් කියා සිටියේ ජනාධිපතිවරණය ප්‍රකාශයට පත් කර තිබීම හේතුවෙන් සංගීත ප්‍රසංගය නොපැවැත්විය හැකි තත්ත්වයක් උදාවී ඇති බවයි.

එම නිසා හේතුවෙන් රට පුරා ප්‍රසංග සංවිධායකවරුන් තුන්දහසකට ආසන්න පිරිසක් සහ මෙම කර්මාන්තය මත යැපෙන ගායක ගායිකාවන්, සංගීත ශිල්පීන්, වේදිකා නිර්මාණකරුවන් සහ වෙළෙඳුන් ඇතුළු ලක්ෂයකට ආසන්න පිරිසක් දැඩි දුෂ්කරතාවයට පත්ව ඇති බව සඳහන්.

එහි දී ඔහු කියා සිටියේ, දිවයිනේ විවිධ ප්‍රදේශවල මීට පෙර සංවිධාන කළ සැණකෙළි සහ ප්‍රසංග විස්සකට වැඩි ප්‍රමාණයක් අත්හිටුවීමට කිරීමට සිදුවූ බවයි.

එමෙන්ම මේ සඳහා අය කරන විනෝද බදු ඉතා ඉහළ අගයක පවතින බවත් මේ හේතුවෙන් එම පවුල්වල සාමාජිකයන් දැඩි ආර්ථික අර්බුදයට මුහුණ දී සිටින බව ද ආතාවුද පෙන්වා දෙනවා.

මේ පිළිබඳව සොයා බලා බදු අඩු කරමින් මෙම ප්‍රසංග සංවිධායකවරුන්ට සහය දක්වන අපේක්ෂකයෙකුට ඉදිරි ජනාධිපතිවරණයේ දී තම සහාය ලබා දෙන බවයි, ඔහු ප්‍රකාශ කළේ.

ප්‍රසංගවලින් අය කෙරෙන දැරිය නොහැකි විනෝද බද්ද අඩු කිරීමටද රජය අවධානය යොමු කළ යුතු බවයි අදාළ මාධ්‍ය සාකච්ඡාවේ දී අදහස් පළ වුණේ.