චමරි අතපත්තු සිඩ්නි තන්ඩර්ස් පිල සමඟ ගිවිසුම්ගත වෙයි !

අතපත්තු ඔස්ට්‍රේලියාවේ සිඩ්නි තන්ඩර්ස් පිල සමඟ වසර තුනක ගිවිසුමකට එළැඹෙයි. පසුගිය වසරේ ඔස්ට්‍රේලියා කාන්තා බිග් බෑෂ් ක්‍රිකට් තරගාවලියේදී සිඩ්නි තන්ඩර්ස් පිලේ ආදේශක ක්‍රීඩිකාවක් ලෙස එක්ව සිටි ඇය තරග 15කදී ලකුණු 552ක් සහ කඩුලු 9ක් ලබා ගනිමින් තරගාවලියේ දක්ෂතම ක්‍රීඩිකාව බවට පත්වූවාය.

පසුගිය මාසයේදී පැවති කාන්තා ආසියානු කුසලාන ක්‍රිකට් තරගාවලියේදී ශ්‍රී ලංකාවට ශූරතාව දිනා ගැනීමට චමරි අතපත්තු දැක්වූ දායකත්වය බොහෝ දෙ‍ෙනක්ගේ අවධානයට ලක්වූහ. චමරි අතපත්තු ඔස්ට්‍රේලියාවේ සිඩ්නි තන්ඩර්ස් පිල සමඟ අත්සන් කළ නව ගිවිසුම අනුව මේ වසරේ සිට 2027 දක්වා එම කණ්ඩායමට ක්‍රීඩා කළ යුතු වේ.

නව ගිවිසුම පිළිබඳව අදහස් දක්වමින් අතපත්තු පැවසුවේ “ඉදිරි වසර තුන සඳහා සිඩ්නි තන්ඩර්ස් පිල වෙත කැපවීම පහසු තීරණයක් වූයේ මේ සමාජයේ දැක්ම ගැන තමන් තුළ ඇති විශ්වාස නිසා බවය. එහි අනාගත සාර්ථකත්වයේ කොටස්කරුවෙකු වීමට මට අවශ්‍ය නිසා ඉතා කැමැත්තෙන් ගිවිසුම් අත්සන් කළා” චමරි පැවසුවාය.