ජූලි මාසයේ දක්ෂතම ක්‍රීඩිකාවන්ගේ කෙටි ලැයිස්තුව ජගත් ක්‍රිකට් කවුන්සිලය විසින් නිකුත් කර තිබෙනවා.
ඔවුන් තිදෙනාම ආරම්භක පිතිකාරිනියන් වීම විශේෂත්වයක්.
මෙම තෝරාගැනීම සිදු කර ඇත්තේ, ජූලි මාසයේ දැක්වූ දක්ෂතා පදනම් කරගනිමින්.
ශ්‍රී ලංකාවේ චමරි අතපත්තු, ඉන්දීයාවේ ස්ම්‍රිති මන්දනා සහ ශෆාලි වෙර්මා එම ක්‍රීඩිකාවන් වනවා.
ශ්‍රී ලංකා කණ්ඩායම පසුගිය මාසයේ දී ආසියානු කුසලානය ජයග්‍රහණය කළ අතර එහි දී චමරි අත්පත්තු විශාල කාර්යභාර්යයක් ඉටු කළා.
චමරි අතපත්තු අවස්ථා දෙකකදී මාසයේ ක්‍රීඩිකාව ලෙස සම්මාන දිනාගත්තා.
ජුනි මාසයේ ක්‍රීඩිකාව ලෙස සම්මාන හිමිකරගත්, ස්ම්‍රිති මන්දනා මෙවර ද ඒ සඳහා නිර්දේශ වී තිබීම විශේෂත්වයක්.