ශ්‍රී ලංකා ඉතිහාසය අලුත් කරමින් ඔලිම්පික් ඉතිහාසයේ මීටර 400 ඉසව්වකින් අවසන් පූර්ව වටයක් දක්වා ඉදිරියට ගිය පළමු ශ්‍රී ලාංකිකයා බවට පත් වීමට අරුණ දර්ශනට හැකියාව ලැබුණා.
ඒ පැරිස් ඔලිම්පික් උළෙලේ පිරිමි මීටර් 400 ධාවන ඉසව්වේ අවසන් පූර්ව වටයට සුදුසුකම් ලබා ගනිමින්.
මූලික වටයේ තරග 06කින් සමන්විත වූ මෙම තරග ඉසව්වේ 05 වැනි මූලික තරගයට අරුණ සහභාගි වුණා.
එහිදී ඔහු තත්. 44.99කින් තරගය අවසන් කර තෙවැනි ස්ථානය දිනාගැනීමට සමත් වූ අතර, මෙය අරුණගේ පෞද්ගලික හොඳම දක්ෂතාව බව සඳහන්.
ඒ අනුව සුගත් තිලකරත්නගෙන් පසු මීටර 400 ඉසව්වක් තත්ත්පර 45 සීමාවෙන් අවසන් කළ පළමු ක්‍රීඩකයා ලෙසින් තවත් සුවිශේෂී කඩයිමක් පසුකිරීමටද අරුණට හැකිවුණා.